“U kunlarni eslashni ham xohlamayman”, deydi Rauf bobo Sanaqulov

08.05.2018, 16:44

“Tinchlik va osoyishtalik” bu so‘zlarning asl mazmun-mohiyatini ko‘ksiga orden va medallar taqqan bobolarimizchalik hech kim chuqur anglamasa kerak. Chunki ular urush, jang nima ekanligini shohidi bo‘lgan, mardlik va jasoratini namoyon etib, or-nomus uchun jonini garovga qo‘yganlar.

Kattaqo‘rg‘on tumani “Murtak” qishlog‘ida yashovchi Rauf bobo Sanaqulov ham ikkinchi jahon urushining dahshatli janglarida ishtirok etib, omon qaytgan yurtdoshlarimizdan biri. 94 yoshni qarshilagan bu otaxon hozirda farzandlari, nevara va chevaralari ardog‘ida keksalik gashtini surmoqda.

9 may – Xotira va qadrlash kuni munosabati bilan O‘zLiDeP Kattaqo‘g‘on tuman Kengashi faollari hamda xalq deputatlari tuman kengashidagi partiya deputatlik guruhi a’zolari Rauf bobo Sanaqulov xonadonida bo‘lib, otaxon holidan xabar olishdi, u bilan dildan suhbat qildilar.

–U kunlarni eslashni ham xohlamayman. Biz ko‘rgan dahshatli kunlarni yoshlarimiz ko‘rmasin, – deydi Rauf bobo Sanaqulov. – Chunki urush yillarida xalqimiz juda og‘ir qiyinchiliklarni boshdan kechirdi. Shukrki, bugun hammasi ortda qolib, xalqimiz farovon hayot kechiryapti. Ilohim, tinchligimizga ko‘z tegmasin!

Ta’kidlash kerak, bayram munosabati bilan O‘zLiDeP faollari tumandagi 6 nafar urush qatnashchisi xonadonida bo‘lib, ularga esdalik sovg‘alari topshirdilar.

Baxtigul QARShIYEVA,

O‘zLiDeP Samarqand viloyat

Kengashi matbuot kotibi

O‘zLiDePning Facebook va Instagramdagi rasmiy sahifasi hamda Telegram’dagi kanaliga a’zo bo‘lib, so‘nggi yangiliklardan xabardor bo‘ling!

Ko'rildi

991
Chop etish
Do'stlar bilan ulashish

Bildirilgan fikrlar

O'zLiDeP Зарбдор туман Кенгаши аппарат рахбари Жаҳонгир Босимов2018-05-08 17:05:56

Президентимизнинг 2018 йил 16 апрелдаги "Иккинчи жаҳон уруши қатнашчиларини рағбатлантириш тўғрисида”ги Фармонига кўра, Бош прокуратура ҳузуридаги мажбурий ижро бюроси органлари иштирокида фахрийлар рахбатлантирилди. Хусусан, Зарбдор туманидан Эгамбердиев Умрзоқ, Исоқ Муродов, Бойзоқов Давлат, Саримсоқов Жуманазар, Азимов Норқўзи, Хазратқулов Пардабой ҳам айни йигит ёшида урушга отланди. Жангоҳларда қон кечиб, омон қайтганлар дориломон кунларга етиб келганига шукур қиладилар. Айниқса, давлатимиз томонидан иккинчи жаҳон уруши фахрийларига кўрсатилаётган эхтиром ва ғамхўрликдан жуда мамнун. Фронт ортида хизмат қилганларга президентимиз совғаси бўлган 300 минг сўмлик электр энергияси, табиий газ ва ичимлик суви истеъмоли учун тўловларни амалга ошириш имконини берувчи гувоҳнома Мажбурий ижро бюроси ходимлари томонидан берилиши уларни янада қувонтирди.

Музработ туман Кенгаши депутати Абдурахмонова Ойсоат2018-05-08 16:58:51

“Тинчлик ва осойишталик” бу сўзларнинг асл мазмун-моҳиятини кўксига орден ва медаллар таққан боболаримизчалик ҳеч ким чуқур англамаса керак. Чунки улар уруш, жанг нима эканлигини шоҳиди бўлган, мардлик ва жасоратини намоён этиб, ор-номус учун жонини гаровга қўйиб. Хозирги тинч осойишта кунларни таьминлаб берганлар.

Халқ депутатлари Хива туман Кенгаши депутати Бекчанов Шаназар2018-05-08 16:56:33

Ҳа, мен ҳар сафар 9-май куни беихтиёр Зулфиянинг "Ўғлим, сира бўлмайди уруш!" шеъридаги "Уруш номинг ўчсин жаҳонда" мисраларини ҳар сафар эслаб, ўша мудҳиш воқеаларни, қанчадан-қанча ёш баҳодирларимиз жуворнимак бўлиб кетганини, уларнинг оналарининг кемтик қалбидаги битмас жароҳатларини хали ҳам битмаганлигини гувоҳи бўламиз.