Agrar sohani modernizatsiya qilish loyihasi amalga oshiriladi
13.08.2020, 12:50
Qishloq xo‘jaligida qulay agrobiznes muhitini va yuqori qo‘shilgan qiymat zanjirini yaratish, jahon tajribasi asosida qishloq xo‘jaligida bilim, innovatsiyalar va agroxizmatlar tizimini keng joriy etiladi.
Bu “Xalqaro tiklanish va taraqqiyot banki hamda Xalqaro taraqqiyot uyushmasi ishtirokida «O’zbekiston Respublikasi qishloq xo‘jaligini modernizatsiya qilish» loyihasini amalga oshirish chora-tadbirlari to‘g‘risida”gi Prezident qarorida nazarda tutilgan.
Jahon banki tomonidan «O’zbekiston Respublikasi qishloq xo‘jaligini modernizatsiya qilish» loyihasini moliyalashtirish uchun 30 yil muddatga 500 million dollar qarz va kredit sifatida ajratiladi.
Loyihani moliyalashtirishning o‘ziga xos ustuvor yo‘nalishlari mavjud. Qishloq xo‘jaligini raqamlashtirish, statistik ma’lumotlarni to‘plash, tahlil qilish, tarqatishning ishonchli va shaffof usullarini joriy etish, ilmiy-tadqiqot, ta’lim va maslahat xizmatlarining ishlab chiqarish bilan integratsiyalashgan samarali tizimini yaratish, «Daladan iste’molgacha» tamoyili asosida sifat nazoratini kuchaytirish, agrologistika, yo‘l va boshqa zarur infratuzilmani yaratish shular sirasidandir.
Yurtimizning barcha hududlarida amalga oshiriladigan bu loyiha eksportni rag‘batlantirish, qishloq xo‘jaligi va oziq-ovqat tarmog‘ini diversifikatsiyalash, sohada davlat ishtirokini kamaytirish, kooperatsiya tizimini rivojlantirish hamda sohaning investitsiyaviy jozibadorligini oshirishiga umid qilamiz.
Aktam HAITOV,
Oliy Majlis Qonunchilik palatasi
Spikeri o‘rinbosari,
O'zLiDeP fraksiyasi rahbari
O'xshash yangiliklar
-
Davlat dasturidan kelib chiqadigan partiya va fraksiya oldidagi vazifalar muhokama qilindi
26.02.2024, 21:34
-
Deputat maktab kutubxonasiga 100 dan ortiq badiiy asarlar va adabiyotlar tuhfa qildi
14.02.2024, 17:25
-
Muhim va ustuvor vazifalar belgilab olindi
31.01.2024, 17:53
-
“Ayollar daftari” bilan manzilli ishlashning shaffof mexanizmi yaratiladi
30.01.2024, 12:29
-
Deputat jarqo‘rg‘onlik tadbirkorlar muammosini o‘rgandi
30.01.2024, 10:11
Fikringizni qoldiring