Jizzaxlik O‘zLiDeP faollari davlat Dasturi loyihasi doirasida qirqqa yaqin taklif bildirishdi
16.01.2018, 18:54
Mustaqillik yillarida mamlakatimizda har bir yilga nom berilib, unga asosan ma’lum bir masalaga e’tibor qaratilishi, shu asosda davlat Dasturi qabul qilinishi xayrli an’anaga aylandi. Joriy yil yurtimizda “Faol tadbirkorlik, innovatsion g‘oyalar va texnologiyalarni qo‘llab-quvvatlash yili” deb e’lon qilinishi munosabati bilan qabul qilinadigan Davlat dasturi loyihasi O‘zLiDeP Jizzax viloyat Kengashi faollari, deputatlar hamda elektorat vakillari ishtirokida qizg‘in muhokama qilindi.
O‘zLiDeP Jizzax viloyat Kengashida bo‘lib o‘tgan ana shunday tadbirlarning birida aholi va partiya elektorati manfaatlariga xizmat qiluvchi qator takliflar bildirildi.
Jumladan, bir guruh deputatlar va faollarimiz viloyat va tuman hokimliklari shtat jadvalini qayta ko‘rib chiqish, qonun ustuvorligini ta’minlash va sud-huquq tizimini yanada isloh qilish, sud-tibbiy ekspertiza sohasini takomillashtirish, tibbiy sug‘urta turlarini rivojlantirish, ijtimoiy himoyaga muhtoj aholi qatlamini sifatli tibbiy xizmatdan foydalanish imkoniyatini kengaytirish maqsadida tibbiy sug‘urta xizmatlarini rivojlantirish kabi takliflar bilan ishtirok etdi.
Shuningdek, ijtimoiy sohani rivojlantirishning ustuvor yo‘nalishlari bo‘yicha ta’lim jarayonini amaliyot bilan uyg‘unligini ta’minlash, buning uchun har bir kasb-hunar kollejida tegishli yo‘nalish va mutaxassisliklar bo‘yicha yordamchi filiallarni tashkil etish taklifi ilgari surildi.
Tadbir davomida davlat Dasturi loyihasining besh ustuvor yo‘nalishi bo‘yicha 40 ga yaqin takliflar muhokama etildi.
Saida UMARALIYEVA,
O‘zLiDeP Jizzax viloyat Kengashi
Matbuot xizmati kotibi
O‘zLiDePning Facebook’dagi rasmiy sahifasi va Telegram’dagi kanaliga a’zo bo‘lib, so‘nggi yangiliklardan xabardor bo‘ling!
O'xshash yangiliklar
-
Buxoro tumani mahallalarida “Ishbilarmon ayol-2024” ko‘rik-tanlovining saralash bosqichlari davom etmoqda
06.05.2024, 13:41
-
Uchinchi Toshkent xalqaro investitsiya forumi - mamlakatimiz rivojidagi yangi imkoniyatlar eshigidir!
04.05.2024, 20:11
-
Baliqchilik ishbilarmon ayollar saralanyapti
04.05.2024, 20:10
-
O‘zaro manfaatli va ishonchli hamkorlik yangi marralarga chorlaydi
04.05.2024, 20:04
-
Ohangarondagi ishbilarmon ayollar faoliyati qo‘llab-quvvatlandi
04.05.2024, 20:01
Fikringizni qoldiring