Shavkat Mirziyoyev urush va mehnat faxriylarini tabrikladi
09.05.2018, 12:51
Toshkent botanika bog‘ida Xotira va Qadrlash kuni hamda Ikkinchi jahon urushida qozonilgan g‘alabaning 73 yilligiga bag‘ishlangan bayram tadbiri bo‘lib o‘tdi.
Unda O‘zbekiston Respublikasi Prezidenti Shavkat Mirziyoyev ishtirok etdi.
Bu yerda Ikkinchi jahon urushidagi sharoit aks ettirilgan. Okop va blindajlar qurilgan, o‘sha davr qurol-aslahalari va harbiy texnikalari namoyish etilgan.
Davlatimiz rahbari ushbu ko‘rgazmani ko‘zdan kechirdi.
Dunyo tarixidagi eng dahshatli, eng qonli qirg‘in bo‘lgan Ikkinchi jahon urushi insoniyatga mislsiz yo‘qotishlar, talafot va musibatlar olib kelgan. Ushbu beshafqat jangda O‘zbekistondagi mehnatga layoqatli aholining deyarli yarmi qatnashgan, ularning 500 mingdan ko‘prog‘i jang maydonlarida halok bo‘lgan. Qanchadan-qancha insonlar mayib-majruh bo‘lib qaytgan, yana qanchasi bedarak ketgan.
Xalqimiz front hududlaridan ko‘chirilgan bir millionga yaqin kishini qabul qilgan. Jumladan, ikki yuz mingdan ziyod bolalarni “Sen yetim emassan” deb oilasi bag‘riga olgan, bir burda nonini ular bilan baham ko‘rib, o‘z bolalari qatori voyaga yetkazgan.
Xalqimizning bunday bag‘rikengligi va olijanobligini, fashizm ustidan g‘alaba qozonishga qo‘shgan ulkan hissasini butun dunyo e’tirof etadi. Ikkinchi jahon urushi tugagan 9 may kuni mamlakatimizda umumxalq bayrami sifatida nishonlanadi.
Bayram tadbirida Qoraqalpog‘iston Respublikasi va viloyatlardan kelgan urush va mehnat faxriylari ishtirok etdi.
Prezident Shavkat Mirziyoyev 9 may – Xotira va Qadrlash kuni bilan, Ikkinchi jahon urushida qozonilgan g‘alabaning 73 yilligi bilan barcha faxriylarni, butun xalqimizni tabrikladi.
O‘zbekiston Qurolli Kuchlari Markaziy ashula va raqs ansambli, estrada xonandalari ijrosida kuy-qo‘shiqlar yangradi. Urush yillarining sitamli xotiralari, bugungi tinch-osoyishta hayot qadri aks ettirilgan badiiy chiqishlar qatnashchilarda unutilmas taassurot qoldirdi.
Fikringizni qoldiring
O'xshash yangiliklar
-
O‘zbekiston Respublikasi Prezidenti Shavkat Mirziyoyevning Korrupsiyaga qarshi kurashish sohasida yuksak xalqaro mukofotni topshirish marosimidagi nutqi
20.12.2023, 15:39
-
O‘zbekiston Prezidenti iqlim sohasidagi global kun tartibi doirasida qator muhim tashabbuslarni ilgari surdi
04.12.2023, 10:21
-
Markaziy Osiyo iqtisodiyoti – global ahamiyatga molik o‘zaro bog‘liqlik markazi
27.11.2023, 09:22
-
O‘zbekiston Prezidenti Turkiy davlatlar tashkiloti sammitida muhim tashabbuslarni ilgari surdi
06.11.2023, 10:30
-
O‘zbekiston – Fransiya: qat’iy ishonch va azaliy do‘stlikka asoslangan munosabatlar strategik sheriklik darajasida davom etadi
03.11.2023, 15:45
Bildirilgan fikrlar
Nurbek Yangiboyev Toshkent shahar Yoshlik TSH Kengashi azosi2018-05-12 16:30:41
Har yili bu bayram alohida bir ko'tarinki ruhda nishonlanadi. Bu yilgi bo'lib o'tgan bayram tadbirida ham urush yillarida ishlatilgan texnikalar nomoyish qilingani o'sha payitdagi muhitni eslatdi va bu esa tinchlikning biz uchun qanchalik katta boylik ekanligini, hozirgi tinch va osoyishta yurtda yashayotganimizning qadriga yetishga undaydi.
Сарвархон Иброхимхонов - Тошкент шаҳар Кенгаши Ёшлар билан ишлаш бўлими мудири2018-05-10 17:58:39
Юртбошимиз томонларидан ушбу сана хар йили кўтаринки рух ва байрамона кайфиятда ташкил этиб келинмоқда. Тадбирда Улуғ ватан уриши қатнашчилари, фахрийларимизни ардоқлаб уларга ҳурмат кўрсатилиши, Ёшларимизга ўрнак бўлиб уларда тинчлик деган энг улуғ неъматни қадрига етишликни, асраб авайлашликни ўргатади албатта.
Жиззах вилояти Бунёдкор корхонаси БПТ раиси Яркулов Мусурмон2018-05-10 16:16:03
Ватан учун жон фидо қилган инсонларни унутмайлик,ёнимизда юрганларини қадрлайлик
Бобожонова Р. Шовот туман Кенгаши ижрочи котиби2018-05-10 11:21:58
Президентимиз тамонидан Иккинчи жахон уруши қатнашчиларига кўрсатилаётган ғамхўрликдан халқимиз хурсанд. Айниқса Уларнинг оилалари, фарзанду-набираларининг қалби фахру-ифтихорга тўла. Хотира муқаддас туйғу. Ватан учун жон фидо қилганлар ўғлонлар кўнгилларда мангу яшайдилар
Мухримов Абдунаби Чилонзор аппарат рахбари 2018-05-10 10:06:18
Байрам тадбирини кўриб Президентимиз биз ўзбек халкини хақиқий тарихимизни тиклаганларидан хурсанд бўлдим. Ёшларни хақикий тарихимиз орқали тарбия этишимиз яхши натижа беради.
Б.Утешова-Канликул тумани2018-05-10 09:33:53
Ватан тинчлиги, юрт ободлиги йўлида жон берган март уғлонларни хотирлаш, ўларнинг кўрсатган жасоратларини қадрлаш бугинги авлод вакилларининг ҳар бирининг ҳам қарзи, ҳам фарзи. Бу йилги «Хотира ва қадрлаш куни» ҳар йилгидан ҳам кўтаринки руҳта ўтказилди. Уруш қатнашчиларига уша даврни эслатувчи, ўзлари ўшлаган қуроллар, техникалар кургазмаси, сафдошларини, ўтган қийин дамларини эслатган бўлса, уша пайтда айтилган куй-қушиқлар Ватан учун, ғалаба учун мустаҳкам қадам, ишонч бўлганлигини эслатди. Бугунги авлодлар фақат бу техникаларни кургазмаларда, байрамларда томаша қилишини талиб дуо қилди.
Халқ депутатлари Навоий вилоят Кенгашиидаги O'zLiDeP депутатлик гуруҳи ижрочи котиби, Шоира Эшбоева2018-05-10 09:28:44
Президентимиз 9-май "Хотира ва қадрлаш куни" ва Иккинчи жаҳон урушида қозонилган ғалабанинг 73 йиллигига бағишланган тадбирда фронт ва фронт ортида меҳнат қилган фахрийларни табриклади.Уларнинг ушбу оғир уруш йилларидаги кўрсатган матонати ва хизматлари яна бир бор қадрланди.
УзЛиДеП Термиз шахар Кенгаши ижрочи котиби Б.Ф.Маманоров2018-05-10 09:28:13
Халқимиз уруш қатнашчиларига, уруш орти ва меҳнат фахрийларига катта эҳтиром ва юксак ҳурмат кўрсатдилар.
Сергели туман O'zLiDeP фаоли Матниязова Гулруҳ2018-05-10 09:15:03
Президентимиз яна бир бор Ватан тинчлиги, ободлиги, тараққиёти учун ўзининг ҳиссасини қўшган инсонларнинг хотирасига ҳурмат бажо келтириш лозимлигини кўрсатишди. Бу ўсиб келаётган ёшларимизга катта сабоқ бўлади ҳамда биз ёшлар ана шундай руҳда тарбияланишимизга албатта ўз ҳиссамизни қўшишимиз лозим.
Б.Юлдашев. O`zLiDeP Навоий вилояти Кенгаши 2018-05-10 09:06:04
Президентимиз 9 май – Хотира ва Қадрлаш куни билан, Иккинчи жаҳон урушида қозонилган ғалабанинг 73 йиллиги билан барча фахрийларимизни табриклади. Байрам дастурида Ўзбекистон Қуролли Кучлари Марказий ашула ва рақс ансамбли, эстрада хонандалари ижросида куй-қўшиқларнинг янграши барчамизда унутилмас таассуротлар қолдирди.