Prezident bunyodkorlik ishlarini ko‘zdan kechirdi

23.07.2018, 18:57

Prezident bunyodkorlik ishlarini ko‘zdan kechirdi

Prezident Shavkat Mirziyoyev Toshkent metropolitenining Sergeli yo‘nalishi qurilishi bilan tanishdi. 

Uzunligi 7,1 kilometr bo‘lgan mazkur yo‘nalish Sergeli tumani aholi punktlari oralab o‘tib, Chilonzor tumanidagi Olmazor bekatiga bog‘lanadi. Temir yo‘l estakada usulida qurilib, poyezdlar yer ustida harakatlanadi. Yo‘lovchilarga qulaylik yaratish maqsadida bekatlarda lift va eskalatorlar o‘rnatiladi. 

Bugungi kunda loyihaning 5 kilometr qismida bunyodkorlik ishlari amalga oshirilmoqda.

Davlatimiz rahbari bu yerga kelib, qurilishning borishini ko‘zdan kechirdi. Metroni sifatli, qulay va xavfsiz qilib qurish bo‘yicha ko‘rsatmalar berdi.

Shu yerda Toshkent shahrida qurilishi rejalashtirilgan 9 qavatli uylar loyihasi taqdimoti o‘tkazildi.

O‘zLiDePning Facebook va Instagramdagi rasmiy sahifasi hamda Telegramdagi kanaliga a’zo bo‘lib, so‘nggi yangiliklardan xabardor bo‘ling!

  • Ko'rildi
    1396
  • Chop etish
  • Do'stlar bilan ulashish
← Orqaga qaytish

Bildirilgan fikrlar

Луиза Ҳамрақулова, Жиззах вилояти2018-07-24 11:24:47

Президентимиз томонидан халқимиз учун яратилаётган имкониятлар, қулайликлар, амалга оширилаётган бунёдкорлик ишларидан биз мамнунмиз


Муяссархон Умурзақова Андижон вилоят Кенгаши мафкуравий ташвиқот тарғибот бўлими мудири2018-07-24 09:14:28

Муҳтарам Президентим! Ўзбекистон буюк карвон. Унинг йўли эзгуликка дахлдор.Мана шу эзгу йўл бошида Сиздай оқил, адолатли, халқ ишига камарбаста сарбон тургани бугун кўнглимизда чуқур фахр ва ифтихорни уйғотади. Айни пайтда Сиз олиб бораётган доно, айтиш жоиз бўлса, кўплаб мамлакатларга ибрат намунаси бўлаётган чуқур ўйланган сиёсат халқимиз манфаатларини ўзида борича ифода этгани ҳар бир қадамда намоён. Аслида ҳали ўттизга тўлмаган навқирон давлатимиз учун Сиздай раҳнамо Отанинг муносиб кўрилгани яратганнинг марҳамати, халқнинг ютуғидир. Ота қай даражада талабчан, сўзи ўткир, салоҳияти баланд ва албатта оиласига садоқотли ва ғамхўр бўлса, фарзандлари шу даражада комил ва етук, оилапарвар бўладилар. Фвхр этамизки, Сиз Ўзбекистон аталган оила Фарзандларининг ана шундай меҳрибон отасисиз. Таваллуд айёмингиз баҳона Сизга машаққатли давлат ишида тоғдек матонат, уммондек бағрикенглик, узоқ умр, муҳими мустаҳкам саломатлик тилаймиз. Қадрли ва биз учун азиз, ҳурматли Шавкат Миромонович! Биз ҳамиша, ҳар одимда бизга суянишингиз, ишонишингиз учун кучимизни, ғайратимизни, билимимизни Сиз олиб бораётган доно сиёсат ишида аямай фидокорона сарфлаймиз.


Fikringizni qoldiring

+