Prezidentimiz qishloq xo‘jaligi xodimlarini bayram bilan qutladi
Bugun mamlakatimizda davlatimiz rahbarining tashabbusi bilan tashkil etilgan O‘zbekiston Respublikasi qishloq xo‘jaligi xodimlari kuni keng nishonlanmoqda.
Ayni paytda poytaxtimizdagi muhtasham “O‘zbekiston” xalqaro anjumanlar saroyida ushbu sanaga bag‘ishlangan bayram tadbiri bo‘lib o‘tmoqda.
Tantanali marosimda O‘zbekiston Respublikasi Prezidenti Shavkat Mirziyoyev soha xodimlarini tabrikladi.
Qishloq xo‘jaligidagi erishilayotgan yutuqlar e’tirof etilgani holda, kelgusidagi muhim vazifalarga e’tibor qaratildi.
Mamlakatimiz taraqqiyoti, xalqimiz turmush farovonligi ta’minlanishi, eksport salohiyati oshishida iqtisodiyotning yetakchi tarmog‘i bo‘lmish qishloq xo‘jaligining roli nihoyatda katta. Shu bois sohaga bozor munosabat¬larini joriy etish, mulkdorlarning yangi sinfini shakllantirish, ularning amalda mustaqilligi hamda huquqiy himoyasini kuchaytirish orqali mahsulot yetishtirish hajmini ko‘paytirish islohotlarning ustuvor yo‘nalishlaridan biriga aylangan.
Qayd etilganidek, fermerlik harakatini rivojlantirish natijasida respublikamizda keyingi yillarda 160 mingdan ziyod salohiyatli fermer xo‘jaliklari shakllandi. Ular bugungi kunda agrar tarmoqning o‘nlab yo‘nalishlarida samarali faoliyat ko‘rsatmoqda.
E’tiborlisi, oxirgi ikki yil ichida ko‘p tarmoqli fermer xo‘jaliklari soni 45 foiz ko‘paydi. Ya’ni dehqonchilik yoki chorvachilik bilan cheklanib qolmasdan, zamonaviy texnologiyalar yordamida tayyor mahsulotlar ishlab chiqarishni muvaffaqiyatli o‘zlashtirgan, shuningdek, transport, texnik va maishiy xizmatlar qo‘rsatish kabi qo‘shimcha yo‘nalishlarni yo‘lga qo‘ygan ilg‘or fermerlar umumiy soni 75 ming nafarga yetdi.
O‘zLiDePning Facebook’dagi rasmiy sahifasi va Telegram’dagi kanaliga a’zo bo‘lib, so‘nggi yangiliklardan xabardor bo‘ling!
O'xshash yangiliklar
-
O‘zbekiston Respublikasi Prezidenti Shavkat Mirziyoyevning Korrupsiyaga qarshi kurashish sohasida yuksak xalqaro mukofotni topshirish marosimidagi nutqi
20.12.2023, 15:39
-
O‘zbekiston Prezidenti iqlim sohasidagi global kun tartibi doirasida qator muhim tashabbuslarni ilgari surdi
04.12.2023, 10:21
-
O‘zbekiston Prezidenti Turkiy davlatlar tashkiloti sammitida muhim tashabbuslarni ilgari surdi
06.11.2023, 10:30
-
O‘zbekiston – Fransiya: qat’iy ishonch va azaliy do‘stlikka asoslangan munosabatlar strategik sheriklik darajasida davom etadi
03.11.2023, 15:45
-
“Yashil ipak yo‘li”ni barpo etish yo‘lidagi muhim tashabbuslar va samarali muloqotlar
20.10.2023, 10:04
Fikringizni qoldiring