O’zLiDePdan saylangan Xalq deputatlari Farg‘ona viloyati Kengashi deputati Feruza Madaliyeva tashabbusi bilan jamiyatda sog‘lom turmush tarzini shakllantirish va ayollar o‘rtasida tibbiy madaniyatni oshirish maqsadida “Sog‘lom oila-mustahkam oila” loyihasi doirasida Farg‘ona shahridagi "Oqariq" va "Sohibkor" mahalla fuqarolar yig‘inlarida tibbiy ko‘rik tashkil etildi. 

Tibbiy ko‘rikda 35 nafarga yaqin ayollarga xotin-qizlar o‘rtasida yuqumli bo‘lmagan kasalliklarning oldini olish va sog‘lom ovqatlanish borasida keng targ‘ibot tushuntirish ishlari olib borildi. Shuningdek, xotin-qizlar o‘rtasida onkologik kasalliklarni erta aniqlash va ularga zarur tibbiy maslaxatlar berish yuzasidan tor doiradagi mutaxassislar jalb etilib, tekshiruvdan o‘tkazildi.

Tadbir yakunida xotin-qizlarga “Sog‘lom avlod” xayriya jamg‘armasi tomonidan bepul dorilar tarqatildi.

Sh.To‘xtamatov,

O’zLiDeP Farg‘ona viloyati Kengashi

matbuot kotibi.