Deputatlik eshituvi tanqidiy-tahliliy ruhda o‘tdi
26.01.2024, 11:58
Xalq deputatlari Sirdaryo viloyat Kengashidagi O’zLiDeP deputatlik guruhining navbatdagi yig‘ilishida Yoshlarning ijtimoiy himoyasini kuchaytirish va ishsizlik darajasini kamaytirish hamda jismoniy tarbiya va sport bilan shug‘ullanadigan yoshlar qamrovini kengaytirish dasturi doirasida 2023 yil davomida amalga oshirilgan ishlar yuzasidan Yoshlar ishlari Agentligi Sirdaryo viloyat boshqarmasining hisoboti eshitildi.
Hisobotda ta’kidlanganidek, har bir mahallada yoshlar balansi shakllantirilib, bu orqali 221 ming 393 nafar yoshlar 3 toifaga ajratildi (7 275 nafar - “og‘ir”, 76 967 nafar - “sariq”, 144 426 nafar - “yashil”), ular bilan individual ishlash tizimi joriy etildi.
Shuningdek, yil davomida “og‘ir” toifadagi yoshlar muammolari hal etishda jami 6 371 nafarga 10 mlrd. 373 mln. so‘mlik orqali yordam ko‘rsatildi.
Tasdiqlangan dasturlar doirasida yoshlarning 2 742 nafari doimiy ish o‘rinlariga joylashtirildi. 253 nafari kasb-hunarga o‘qitildi. 471 nafariga subsidiya asosida mehnat qurollari olib berildi. 1 227 nafariga dehqonchilik uchun ekin maydonlari ajratildi. 1 608 nafariga tadbirkorlik uchun kredit ajratildi. 50 nafari xunarmandchilikka jalb etildi va 2 nafari yangi yaratilgan ish o‘rinlariga joylashtirildi.
Yig‘ilish davomida deputatlar tomonidan sohaga oid ko‘plab savollar berildi. Taklif va mulohazalar bildirib o‘tildi. Mutasaddining hisobotini qoniqarli deb topgan deputatlar bildirilgan taklif va mulohazalar asosida amalga oshiriladigan ishlar yuzasidan chora-tadbirlarni belgilab oldilar.
O'xshash yangiliklar
-
Qo‘rg‘ontepada qishloq xo‘jaligiga mo‘ljallangan yerlardan samarali foydalanish holati tahlil qilindi
26.01.2024, 16:23
-
Deputat ko‘magida aholi xonadonlariga ichimlik suvi yetib bormoqda
26.01.2024, 11:59
-
Boshqarma boshlig‘ining hisoboti eshitildi
25.01.2024, 15:34
-
Zominlik deputatlar tuman elektr tarmoqlari korxonasi rahbarining hisobotini eshitdilar
23.01.2024, 15:15
-
Xorazmda qishloq xo‘jaligi sohasida amalga oshirilgan ishlar tahlil qilindi
19.01.2024, 16:10
Fikringizni qoldiring