Ishchi guruh vakillari «Tadbirkorlar va hunarmandlar markazi» faoliyati bilan tanishdi
18.04.2022, 16:00
Oliy Majlis Qonunchilik palatasi deputati Mavluda Ibragimova, O'zLiDeP Siyosiy Kengashi Ijroiya qo‘mitasi bo‘lim mudiri Sevara Muslimova, partiyaning viloyat kengashi “Ayollar qanoti” vakillari Guliston shahridagi «Tadbirkorlar va hunarmandlar markazi» faoliyati bilan tanishishdi.
13-14 aprel kunlari bo‘lib o‘tgan «Made in Uzbekistan» milliy mahsulotlar xalqaro ko‘rgazmasida ishtirok etgan viloyat Tadbirkor ayollar assotsiatsiyasining Sirdaryo viloyat bo‘linmasi boshlig‘i Barchinoy Usmonova hunarmandlik yo‘nalishida adras, atlas, zardo‘zlik, gilam, do‘ppi, sumkalar tikish va to‘qish yo‘nalishidagi ishlarini namoyish etgandi. Viloyat hokimi G’.Mirzayev tashabbusi bilan «Tadbirkorlar va hunarmandlar markazi»dan B.Usmonovaning tadbirkorlik sohasiga joy ajratildi va faoliyati boshlandi.
Ishchi guruh vakillari tadbirkorning talab va istaklarini o‘rganishdi. Shu o‘rinda deputat Mavluda Ibragimova shifokorlik kasbidan kelib chiqib, ayollar salomatligini saqlash va onalikni muhofaza qilish borasidagi tavsiyalarini ham berdi.
Ayni paytda markazda 50 ta ish o‘rni yaratilib, xotin-qizlar tajribasiga ko‘ra ish bilan ta’minlangan. Yana 150 nafar “Ayollar daftari”, “Temir daftar”da turgan xotin-qizlarni ishga olish imkoniyati borligini aytgan Barchinoy Usmonovaning muammolarini hal qilishni viloyat Kengashi deputatlari O'zLiDeP Sirdaryo viloyat Kengashi raisining Ayollar masalalari bo‘yicha o‘rinbosari P.Ahmedjanova va G.Jonjigitovalar zimmasiga olishdi.
Shu kuni «Tadbirkorlar va hunarmandlar markazi»da Barchinoy Usmonova boshchiligida BPT tuzishga kelishildi.
O'zLiDeP Sirdaryo viloyat kengashi
matbuot xizmati.
O'xshash yangiliklar
-
Poytaxtlik ishbilarmon xotin-qizlar mahallalar kesimida saralanyapti
25.04.2024, 12:01
-
Ishbilarmon ayollar saralanmoqda
21.04.2024, 13:39
-
O‘zLiDeP “Ayollar qanoti” loyihalari orqali ishsiz xotin-qizlar tadbirkor bo‘lyapti
09.04.2024, 19:52
-
Qoratepalik Matluba opa tomorqasidan har yili 30 million so‘m daromad qilmoqda
09.04.2024, 19:49
-
Xotin-qizlarning iqtisodiy, ijtimoiy va siyosiy faolligini oshirishga eʼtibor yana-da kuchaygan
31.03.2024, 10:51
Fikringizni qoldiring