Deputat va saylovchilar uchrashuvi bo‘lib o‘tdi
28.10.2022, 15:57
36- saylov okurugidan saylangan xalq deputatlari Jizzax viloyat Kengashidagi O’zLiDeP deputatlik guruhi rahbari Erkin Xolmatovning saylovchilar bilan uchrashuvi bo‘lib o‘tdi. Zomin tumanidagi mazkur saylov okrugi hududida 6 ta mahalla fuqarolar yig‘ini joylashgan.
Noan’anaviy tarzda tashkil etilgan uchrashuvda mazkur mahallalar raislari, mutasaddi tashkilot vakillari, mahallalarda tadbirkorlikni rivojlantirish, aholi bandligini ta’minlash va kambag‘allikni qisqartirish masalalari bo‘yicha faoliyat olib borayotgan hokim yordamchilari va yoshlar yetakchilari hamda partiya faollari ishtirok etishdi. Asosiy e’tibor, hududda yechimini kutayotgan dolzarb masalalar muhokama qilindi.
Aholini tashvishga solayotgan dolzarb muammolar atroflicha o‘rganib chiqildi. Kuz-qish mavsumiga tayyorgarlik, kelayotgan qor qirovli kunlarda aholini uzluksiz suyultirilgan gaz, elektr energiyasi va ichimlik suvi bilan ta’minlash masalalari alohida o‘rganib chiqildi. Mavjud muammolar shu yerning o‘zida hal qilindi. Jumladan, “Yoshlik” MFY, Ilg‘or ko‘chasida 1 kilometrlik elektr tarmog‘i tortiladigan bo‘ldi.
Aholi tomonidan qilingan boshqa murojaatlar ham mutasaddi tashkilot vakillari bilan birgalikda joyida o‘rganib chiqildi.
Shuningdek, barcha mahallalarda daraxt ekish bo‘yicha e’lon qilingan “dolzarb 40 kunlik” doirasida ko‘chat ekish ishlarini uyushqoqlik bilan o‘tkazish, ekilgan ko‘chatlarning sug‘orish tizimi va parvarishini ta’minlash yuzasidan fikr almashildi. Ko‘chat ekish ishlarini, obodonchilik jarayoni bilan uyg‘un holda olib borish borasidagi dolzarb vazifalar belgilab olindi.
Uchrashuv davomida qilingan barcha murojaatlar, aytilgan fikr-mulohaza va takliflar atroflicha o‘rganib chiqilgach, ijrosini ta’minlash deputat nazoratiga olinadigan bo‘ldi.
Zayniddin Eshqulov,
O’zLiDeP Jizzax viloyat Kengashi bo‘limi mudiri
O'xshash yangiliklar
-
Qo‘rg‘ontepada qishloq xo‘jaligiga mo‘ljallangan yerlardan samarali foydalanish holati tahlil qilindi
26.01.2024, 16:23
-
Deputat ko‘magida aholi xonadonlariga ichimlik suvi yetib bormoqda
26.01.2024, 11:59
-
Deputatlik eshituvi tanqidiy-tahliliy ruhda o‘tdi
26.01.2024, 11:58
-
Boshqarma boshlig‘ining hisoboti eshitildi
25.01.2024, 15:34
-
Zominlik deputatlar tuman elektr tarmoqlari korxonasi rahbarining hisobotini eshitdilar
23.01.2024, 15:15
Fikringizni qoldiring