Tadbirkorlar va ishbilarmonlar harakati – O’zbekiston Liberal-demokratik partiyasining Qoraqalpog‘iston Respublikasidagi hududiy va mahalliy kengashlari saylovoldi tadbirlarni amalga oshirishga ulkan mas’uliyatni his etgan holda yondashmoqda.

Imzolarni o‘z vaqtida to‘plash masalasi belgilangan talablarga muvofiq ravishda Qoraqalpog‘iston Respublikasining Nukus shahrida ham samarali tashkil etilmoqda. Jumladan, “Ishga marhamat” mono markazida imzo to‘plash jarayoni bo‘lib o‘tdi. Unda partiya vakillari  saylovchilarga imzo varaqalarini  to‘ldirish tartib-taomillari bo‘yicha ma’lumot berishdi.

Aynan fuqaroning o‘zi pasport yoxud identifikatsiya ID-kartasining seriyasi va tartib raqamini kiritgan holda imzo qo‘ymoqda. Imzo varaqalarini yig‘ish barobarida aholiga saylov jarayonlari haqida ham ma’lumotlar berib borilyapti.

Darhaqiqat, yurtimizda istiqomat qilayotgan har bir fuqaro ushbu jarayonga befarq emasligini imzo to‘plash ishlaridagi faolligi orqali namoyon etmokdalar.

Mazkur jarayon Orolbo‘yi mintaqasida uyushqoqlik bilan davom etdia.

O‘zLiDeP Qoraqalpog‘iston Respublikasi Kengashi

 matbuot xizmati