Tanlov tashabbusga chorlaydi
30.08.2017, 19:13
Namangan shahrida O‘zLiDePning 124 ta boshlang‘ich tashkiloti bo‘lib, ular faoliyatini yanada kuchaytirish, targ‘biot ishlari samaradorligini oshirish yuzasidan bir qator ishlar qilinmoqda. Xususan, tadbirkorlikni rivojlantirish, yoshlar va xotin-qizlarni ishbilarmonlikka, oilaviy biznesga jalb etish va shu maqsad yo‘lida ularga amaliy yordam berish choralari ko‘rilmoqda.
-Ma’lumki, partiya siyosiy Kengashi ijroiya qo‘mitasi tomonidan “O‘zLiDeP boshlang‘ich tashkilotlari o‘z tomorqasida tadbirkorligini boshlaganlarga ko‘makdosh” loyihasi e’lon qilingan,-deydi O‘zLiDeP Namangan shahar Kengashi apparat rahbari Sohibaxon G‘affarova. – Buni uyushqoqlik bilan o‘tkazishga harakat qilyapmiz. Barcha quyi bo‘g‘inlarning yetakchilariga loyihaning shartlarini yetkazganmiz. Shu mavzuda seminar ham tashkil etganmiz. Boshlang‘ich tashkilotlar o‘z hududlaridagi 5 tadan oilani otaliqqa oldilar. Har bir oilaga mavjud tomorqasi asosida tadibirkorlikni nimadan boshlash, biznes rejani tuzish, kredit olish kabi tashkiliy-huquqiy masalalarda bizga partiyamizdan saylangan deputatlar yaqindan yordam berishmoqda.
Darhahaqiqat, amalga oshirilayotgan ishlar o‘zining dastlabki samaralarini bermoqda. Jumladan, Namangan shaxar “Mehnatobod” mahalla fuqarolar yig‘ini, Yangibog‘ ko‘chasida yashovchi Nuriddin Qahharovga “Pahtalikko‘l” sihatgohidagi boshlang‘ich partiya tashkiloti raisi M.Inamova yaqindan yordam berdi. U bo‘sh yotgan 6 sotix yerda bog‘ tashkil etish rejasini tuzdi. Boshlang‘ich partiya tashkiloti hamda shahar Kengashi deputati Baxtiyor Vohidovning ko‘magi bilan ushbu rejani amalga oshirish uchun “Turonbank” ATB bo‘limidan 10 mln.so‘m miqdorida imtiyozli kredit olib berildi. Ayni kunlarda tadbirkor bog‘ni yaratish bo‘yicha amaliy ishlarni olib bormoqda.
“Nurobod” mahalla fuqarolar yig‘ini qoshidagi boshlang‘ich partiya tashkiloti ham loyihada faol ishtirok etishga harakat qilmoqda.Shu mahallada yashovchi Ziyoda Jabbarovaga qandolatchilik sexi ochishda ko‘mak berildi. Quvonarlisi, boshlang‘ich partiya tashkilotining sa’i harakati va tashabbusi bilan tadbirkorga “Mikrokreditbank” ATB filialidan 20 mln. so‘m miqdorida imtiyozli kredit olib berildi. Qisqa muddatda ishga tushirilgan ushbu sexga 6 nafar uyushmagan yosh ishga joylashtirildi.
Namangan shahrida bunday misollarni yana ko‘plab keltirish mumkin. Tadbirkorlikni boshlagan xonadon egalari esa O‘zLiDeP shaxar Kengashi boshlang‘ich tashkilotlariga o‘z minnatdorchiliklarini bildirishmoqda.
Komiljon FAYZIYEV,
O‘zLiDeP Namangan viloyat Kengashi
matbuot xizmati rahbari
O‘zLiDePning Facebook’dagi rasmiy sahifasi va Telegram’dagi kanaliga a’zo bo‘lib, so‘nggi yangiliklardan xabardor bo‘ling!
O'xshash yangiliklar
-
Ta’lim sohasi vakillari partiya targ‘ibotida faol
09.04.2024, 20:15
-
“Bunyodkor tekstilda” quyi bo‘g‘in faoliyati jonlanmoqda
08.04.2024, 17:01
-
217 nafar partiya a’zosi bo‘lgan korxonadagi quyi bo‘g‘inning faoliyatiga baho berildi
05.04.2024, 12:57
-
Viloyat hokimi o‘rinbosarining hisoboti eshitildi
04.04.2024, 11:09
-
Buxorolik maslakdoshlarimiz safi tobora kengayib bormoqda
02.04.2024, 16:56
Fikringizni qoldiring