Ishchi guruh chustlik A.Yodgorovga imtiyozli kredit olib beradi
08.09.2018, 15:49
Avval xabar qilinganidek, partiya xodimlari va mahalliy Kengash deputatlaridan iborat ishchi guruh a’zolari mahallama-mahalla, uyma-uy yurib, aholi bilan yuzma-yuz muloqot qilmoqda.
Ana shunday uchrashuvlarning navbatdagisi Chust tumanidagi “Birlik”, “Qoraqo‘rg‘on” “Yangixayot” va “Kamarsada” MFYda tashkil etildi.
Uchrashuv davomida ushbu mahallalarda 11 ming 485 nafar aholi istiqomat qilishi, hudud ahli asosan bog‘dorchilik, chorvachilik va tadbirkorlik bilan shug‘ullanib kelayotgani ma’lum bo‘ldi.
To‘g‘ri, tumanda fuqarolarning tadbirkorlik bilan shug‘ullanishi uchun barcha sharoitlar yaratilgan. Biroq hududda toza ichimlik suvining tanqisligi, ichki yo‘llar ta’mirtalab ekani, elektr ta’minotidagi uzilishlar odamlarni ko‘p yillardan buyon qiynab kelmoqda. Mavjud muammolarni atroflicha o‘rgangan partiya faollari murojaatlar yuzasidan tegishli tashkilotlarga so‘rov yubordi.
Shuningdek, aholi bilan muloqotlar davomida hudud ahli tomonidan ko‘plab murojaatlar kelib tushdi.
Masalan, shu hududda yashovchi Abdug‘affor Yodgorov bo‘sh turgan 4.5 sotixlik yer maydoniga issiqxona tashkil etmoqchi ekanligini aytib, imtiyozli kredit olishda ko‘mak so‘radi. Partiya faollari esa fuqaroga “Har bir oila – tadbirkor” dasturi doirasida imtiyozli kredit olishda ko‘maklashadigan bo‘ldi.
Ishchi guruhning aholi bilan uchrashuvlari davom etmoqda.
Rustamjon XAKIMOV,
O‘zLiDeP Namangan viloyat
Kengashi bo‘lim mudiri
O‘zLiDePning Facebook va Instagramdagi rasmiy sahifasi hamda Telegram’dagi kanaliga a’zo bo‘lib, so‘nggi yangiliklardan xabardor bo‘ling!
O'xshash yangiliklar
-
Ishchi guruh vakillari ta’lim sohasida amalga oshirilayotgan ishlarni o‘rganmoqda
20.12.2023, 15:53
-
Qashqadaryoda oilaviy tadbirkorlar faoliyati o‘rganilmoqda
13.12.2023, 16:59
-
Davlat dasturining 67-maqsadi Hazoraspda qanday bajarilyapti?
23.11.2023, 18:03
-
Ishchi guruh vakillari IT sohasida belgilab berilgan vazifalar ijrosini muhokama qildi
14.11.2023, 16:47
-
Yutuqlar bor, muammolar ham yo‘q emas
13.11.2023, 16:53
Fikringizni qoldiring