O‘zbekiston Bosh vazirini Tojikiston Prezidenti qabul qildi
10.01.2018, 17:36
Tojikiston Respublikasi Prezidenti Imomali Rahmon Dushanbe shahriga ishchi tashrif bilan borgan O‘zbekiston Respublikasi Bosh vaziri Abdulla Aripovni qabul qildi.
Bu haqida “news.tj” sayti rasmiy manbaga asoslanib xabar berdi.
O‘tkazilgan hukumatlararo komissiya yig‘ilishida ikki mamlakat o‘rtasidagi aloqalarni rivojlantirish sohalari muhokama qilindi. Jumladan, savdo cheklovlarini bartaraf etish, suv va energetika resurslaridan foydalanish borasidagi hamkorlikni mustahkamlash, fuqarolarning ikkitomonlama harakatlanish tartibini soddalashtirish, tovarlarni tashish uchun tariflarni kamaytirish, ikki mamlakatni bog‘laydigan mavjud temir yo‘llarni tiklash, chegara oldi nazorat-o‘tkazish punktlarini ochish kabi qator masalalar ko‘rib chiqildi.
Uchrashuv davomida turli ko‘rgazmalar, madaniyat kunlarini tashkil etish borasida olib borilayotgan ishlarga ham yuqori baho berildi.
Tomonlar Tojikiston va O‘zbekiston o‘rtasidagi barcha sohalarda do‘stona aloqalar yanada mustahkamlanishiga ishonch bildirib, hukumatlararo va hududlararo aloqalarning normativ-huquqiy bazasini takomillashtirishga tayyor ekanliklarini ham ta’kidlab o‘tdi.
O‘zLiDePning Facebook’dagi rasmiy sahifasi va Telegram’dagi kanaliga a’zo bo‘lib, so‘nggi yangiliklardan xabardor bo‘ling!
O'xshash yangiliklar
-
O‘zbekiston Respublikasi Prezidenti Shavkat Mirziyoyevning Korrupsiyaga qarshi kurashish sohasida yuksak xalqaro mukofotni topshirish marosimidagi nutqi
20.12.2023, 15:39
-
O‘zbekiston Prezidenti iqlim sohasidagi global kun tartibi doirasida qator muhim tashabbuslarni ilgari surdi
04.12.2023, 10:21
-
O‘zbekiston Prezidenti Turkiy davlatlar tashkiloti sammitida muhim tashabbuslarni ilgari surdi
06.11.2023, 10:30
-
O‘zbekiston – Fransiya: qat’iy ishonch va azaliy do‘stlikka asoslangan munosabatlar strategik sheriklik darajasida davom etadi
03.11.2023, 15:45
-
“Yashil ipak yo‘li”ni barpo etish yo‘lidagi muhim tashabbuslar va samarali muloqotlar
20.10.2023, 10:04
Fikringizni qoldiring