Конституциявий қонун лойиҳаси муҳокамалари ёшлар ўртасида қизғин давом этаяпти
08.07.2022, 15:28
O`zLiDeP Бекобод туман Кенгаши таркибидаги “Бўстон МФЙ” БПТда “Янгиланаётган Конституция, бу – бизларнинг Конституциямиз!” мавзусида очиқ муҳокама тадбири ўтказилди.
Унда O`zLiDeP Бекобод туман Кенгаши масъул ходимлари, “Бўстон” МФЙ фаоллари ва ёшлар вакиллари иштирок этишди.
Очиқ мулоқот тадбирида сўз олган партия аъзоси, “Бўстон” МФЙ раиси Икром Рахматов Конституциявий Қонун лойиҳаси муҳокамаларида ёшларнинг ўрни борасида алоҳида тўхталди.
Ўзбекистон Республикаси Президент Шавкат Мирзиёевнинг Ўзбекистон Республикаси Конституциясига ўзгартириш киритиш ва ташкилий чора-тадбирларни амалга ошириш юзасидан Конституциявий комиссия аъзолари билан учрашувидаги нутқи мазмун-моҳияти тўғрисида маъруза қилди.
Давлатимиз раҳбарининг Конституциявий комиссия аъзолари билан учрашувдаги нутқида Янги Ўзбекистон бунёдкорлари бўлмиш ўғил-қизларимизнинг ҳуқуқ ва эркинликлари ҳамда қонуний манфаатларини ҳар томонлама қўллаб-қувватлашни Конституцияда мустаҳкамлаб қўйиш – долзарб масала сифатида кўрилганини таъкидлади.
Айни шу мақсад ижроси йўлида Конституциянинг 41-моддасига давлат истеъдодли ёшларнинг моддий аҳволидан қатъи назар, таълимни давом эттиришини кафолатлаши нормаси киритилаётгани эътиборга молик эканини қайд этди.
Тадбирда сўзга чиққан ёшлар вакиллари ҳам такомиллаштирилаётган Конституцияда ёшларнинг ҳуқуқ ва манфаатларини таъминлаш, уларнинг ўқиши, меҳнат қилиши, билим олиши ва қобилиятини намоён этиши учун барча шароитларни яратиш долзарб масала этиб белгиланаётганини олқишлашди.
Очиқ муҳокама сўнггида иштирокчиларнинг мавзу доирасидаги саволларига батафсил жавоблар берилди.
Зухро Мирзоҳамдамова,
O`zLiDeP Тошкент вилоят Кенгаши
бўлим мудири
Ўхшаш янгиликлар
-
Депутат таълим муассасалари ҳамда тадбиркорлик субъектлари фаолиятини ўрганди
28.04.2024, 12:55
-
Асаларичиликни пахтаободликлардан ўрганинг!
28.04.2024, 12:51
-
Депутат риштонлик сайловчиларнинг муаммолари билан қизиқди
28.04.2024, 12:48
-
Депутат фуқароларга ёқилғи-энергетика соҳасидаги ислоҳотларни тушунтирди
28.04.2024, 12:46
-
Жондорлик тадбиркор аёллар фаолияти ўрганилмоқда
28.04.2024, 12:45
Фикрингизни қолдиринг