Раҳбарият

ХАИТОВ АКТАМ АХМАДОВИЧ

ХАИТОВ АКТАМ АХМАДОВИЧ

O‘zLiDeP Сиёсий Кенгаши Ижроия қўмитаси раиси

Хаитов Актам Ахмадович 1974 йил Қашқадарё вилоятида туғилган.

1994 йил Самарқанд иқтисодиёт ва сервис (кооператив) институтини тамомлаган, иқтисод фанлари номзоди.

1994-1997 йилларда Самарқанд иқтисодиёт ва сервис (кооператив) институтида, 1997-2000 йилларда Самарқанд вилоят ҳокимлиги ахборот-таҳлил гуруҳида, 2000-2002 йилларда Ўзбекистон Республикаси Вазирлар Маҳкамаси Ахборот-таҳлил бошқармасида, 2002-2005 йилларда Ўзбекистон Республикаси Макроиқтисодиёт ва статистика вазирлиги ҳузуридаги Иқтисодий ночор корхоналар ишлари Қўмитасида фаолият юритган.

2005 йилда Ўзбекистон Республикаси Монополиядан чиқариш, рақобат ва тадбиркорликни қўллаб-қувватлаш давлат қўмитаси раисининг биринчи ўринбосари, Ўзбекистон Республикаси Вазирлар Маҳкамаси Иқтисодиёт ва ташқи иқтисодий алоқалар йиғма ахборот-таҳлил департаменти мудири, 2006-2014 йилларда Ўзбекистон Республикаси Меҳнат ва аҳолини ижтимоий муҳофаза қилиш вазири, 2014-2016 йилларда “Biokimyo” акциядорлик жамияти бошқаруви раисининг ўринбосари, 2016-2017 йилларда Ўзбекистон стандартлаштириш, метрология ва сертификатлаштириш агентлиги Бош директори, 2017-2018 йилларда Ўзбекистон Республикаси Бандлик ва меҳнат муносабатлари вазири лавозимида ишлаб келган.

2019 йилдан буён Ўзбекистон фермер, деҳқон хўжаликлари ва томорқа ер эгалари кенгаши раиси лавозимида ишлаб келмоқда.

2018 йил 3 августда бўлиб ўтган O'zLiDeP Сиёсий Кенгашининг X мажлисида партия Сиёсий Кенгаши Ижроия қўмитаси раиси этиб сайланган.

2020 йилдан Олий Мажлисининг Қонунчилик палатаси Спикерининг ўринбосари, O'zLiDeP фракцияси раҳбари лавозимида ҳам ишлаб келмоқда.

2020 йилда «Меҳнат шуҳрати» ордени билан мукофотланган. 

ЯКУБОВ БАХТИЁР СУЛТОННАЗИРОВИЧ

ЯКУБОВ БАХТИЁР СУЛТОННАЗИРОВИЧ

O‘zLiDeP Сиёсий Кенгаши Ижроия қўмитаси раиси ўринбосари

Якубов Бахтиёр Султонназирович 1969 йилда туғилган.

1993 йилда Тошкент давлат университетини, 2006 йилда Тошкент давлат юридик институтини тамомлаган, сиёсий фанлар доктори.

1993-1998 йилларда Тошкент давлат университетида, 1998-1999 йилларда Ўзбекистон Республикаси Президенти ҳузуридаги Стратегик ва минтақалараро тадқиқотлар институтида, 1999-2003 йилларда Ўзбекистон Республикаси Президенти Девонида, 2003-2005 йилларда O‘zLiDeP Сиёсий Кенгаши Ижроия қўмитасида фаолият юритган.

2004 ва 2009 йилларда Ўзбекистон Республикаси Қонунчилик палатаси депутатлигига сайланган.

2004-2009 йилларда Ўзбекистон Республикаси Олий Мажлиси Қонунчилик палатаси мудофаа ва хавфсизлик масалаари қўмитаси раисининг ўринбосари, 2010-2015 йилларда Олий Мажлиси Қонунчилик палатаси Спикерининг ўринбосари, O’zLiDeP фракцияси раҳбари лавозимида ишлаган, 2005 йилдан жамоатчилик асосида партия Сиёсий Кенгаши Ижроия қўмитаси раисининг ўринбосари вазифасини амалга оширган.

2015 йилдан буён O‘zLiDeP Сиёсий Кенгаши Ижроия қўмитаси раисининг ташкилий-партиявий ишлар ва кадрлар масалалари бўйича ўринбосари лавозимида ишлаб келмоқда.

Б.Якубов 2006 йилда «Меҳнат шуҳрати» ордени билан тақдирланган.

 

ШОУМАРОВ ДИЛШОД ШАВКАТОВИЧ

ШОУМАРОВ ДИЛШОД ШАВКАТОВИЧ

O‘zLiDeP Сиёсий Кенгаши Ижроия қўмитаси раиси ўринбосари

Шоумаров Дилшод Шавкатович 1964 йилнинг 31 июлида  Тошкент шаҳрида туғилган.

1981-1986 йилларда Тошкент давлат университетининг (ҳозирги ЎзМУ) шарқшунослик факультетида, 1998-2000 йилларда Тошкент давлат иқтисодиёт университетида таҳсил олган. Маълумоти бўйича мутахассислиги —  шарқшунос, халқаро бизнес магистри.

Меҳнат фаолиятини 1986 йилда ТошДУнинг халқаро бўлими катта инспектори лавозимидан бошлаган.

1987-1991 йилларда Ташқи иқтисодий алоқалар вазирлигида муҳандис-таржимон, 1991-2008 йилларда “КОМЭКО” халқаро ташкилоти, “Азия-Металл-Трейдинг” ҚК, “Акан-Пластик” ҚК, “Протекс-Иншоат” корхонаси, “Қурилиш моллари бозори” МЧЖда раҳбар лавозимларида ишлаган.

2008 йилдан ҳозирги вақтга қадар “DIMAX METALL SERVIS” МЧЖ Таъсисчилар кенгаши раиси, 2013 йилдан буён “Dimax” саноат-савдо кўргазма бизнес маркази раиси сифатида фаолият юритиб келмоқда. 

2015 йилда Халқ депутатлари Тошкент шаҳар Кенгаши депутати этиб сайланган.

2014 йилдан буён O‘zLiDeP Сиёсий Кенгаши Ижроия қўмитаси раисининг мафкуравий ва тарғибот-ташвиқот ишлари бўйича ўринбосари лавозимида ишлаб келмоқда.

 

ХОДЖАЕВА МАВЛУДАХОН ИСЛАМОВНА

ХОДЖАЕВА МАВЛУДАХОН ИСЛАМОВНА

O'zLiDeP Сиёсий Кенгаши Ижроия қўмитаси раисининг аёллар масалалари бўйича ўринбосари

Ходжаева Мавлудахон Исламовна 1962 йилда Фарғона вилоятининг Ўзбекистон туманида туғилган.

1985 йилда Ўрта Осиё тиббиёт педиатрия институтини шифокор-педиатр мутахассислиги бўйича тамомлаган.

1985-1989 йилларда Қўқон шаҳар болалар шифохонасида, 1989-2000 йилларда Қўқон шаҳар Гўдаклар уйида дастлаб шифокор-педиатр, сўнгра бош шифокор лавозимида фаолият кўрсатган.

2000-2004 йилларда М.Ходжаева Қўқон шаҳар ҳокимининг оила, оналик ва болаликни ижтимоий ҳимоя қилиш масалалари бўйича ўринбосари – Хотин-қизлар қўмитаси раиси, шунингдек, 2004-2014 йиллар давомида Фарғона вилояти ҳокимининг ўринбосари – Хотин-қизлар қўмитаси раиси лавозимларида ишлаган.

2015 йилда Ўзбекистон Республикаси Олий Мажлиси Қонунчилик палатаси депутатлигига сайланган. М.Ходжаева 2015 йилда Олий Мажлис Қонунчилик палатасининг Меҳнат ва ижтимоий масалалар қўмитаси раисининг ўринбосари сифатида иш бошлаб, 2018 йилда муносиб равишда қўмитанинг раиси лавозимига тавсия этилди ва сайланди.

2018 йилдан буён ЎзЛиДеП Сиёсий Кенгаши Ижроия қўмитаси раисининг аёллар масалалари бўйича ўринбосари лавозимида жамоатчилик асосида ишлаб келмоқда.

2018 йилда Ўзбекистон Республикаси Давлат мустақиллигининг 27 йиллиги муносабати билан Ўзбекистон Республикаси Президентининг Фармонига кўра “Дўстлик” ордени билан тақдирланган.

АСЛОНОВ АБДУЛЛО УБАЙДУЛЛОЕВИЧ

АСЛОНОВ АБДУЛЛО УБАЙДУЛЛОЕВИЧ

O‘zLiDeP Сиёсий Кенгаши Ижроия қўмитаси ёшлар ва тадбиркорлик масалалари бўйича раис ўринбосари

Аслонов Абдулло Убайдуллоевич  1984 йил Самарқанд туманида туғилган.

Маълумоти олий. 2011 йил Самарқанд давлат чет тиллари институти бакалавриатини, 2014 йил магистратурасини тугатган. 2003-2009 йилларда Англиянинг учта нуфузли билим юртларида таҳсил олган.

Меҳнат фаолиятини 2010 йили “Камолот” ёшлар ижтимоий ҳаракати Самарқанд вилояти Кенгашида тўгарак раҳбари лавозимидан бошлаган.

2012-2018 йилларда “Камолот” ёшлар ижтимоий ҳаракати Самарқанд, Навоий вилоятлари ҳамда Марказий Кенгаши аппаратида раҳбар лавозимларда фаолият юритган.

2018-2020 йилларда Ўзбекистон ёшлар иттифоқи Самарқанд вилояти Кенгаши раиси бўлган.

2020-2022 йилларда Ўзбекистон Республикаси Олий Мажлиси Қонунчилик палатаси Халқаро ишлар ва парламентлараро алоқалар қўмитасининг аъзоси, Ўзбекистон Республикаси Олий Мажлиси Қонунчилик палатасининг Ёшлар масалалари бўйича комиссияси раиси лавозимларида ишлаган. 

2022-2023 йилларда Спортни ривожлантириш вазири ўринбосари лавозимида ишлаган.

Оилали. 2 нафар фарзанди бор.

Ғиёсов Сардорбек Мунибиллаевич

Ғиёсов Сардорбек Мунибиллаевич

O'zLiDeP Сиёсий Кенгаши Ижроия қўмитаси раисининг Жамоатчилик билан алоқалар бўйича ўринбосари

1990 йил Наманган вилояти Тўрақўрғон туманида туғилган.

Маълумоти олий. 2012 йил Наманган давлат университети Тарих факультети бакалавриатини, 2019 йил Ўзбекистон Республикаси Президенти ҳузуридаги Давлат бошқаруви академияси “Давлат бошқаруви” йўналиши магистратурасини тугатган.

Меҳнат фаолиятини 2012 йили Наманган вилояти Мингбулоқ тумани 13-ихтисослаштирилган умумий ўрта таълим мактаб-интернати тарих фани ўқитувчиси вазифасидан бошлаган.

2014-2019 йилларда “Камолот” ёшлар ижтимоий ҳаракати Наманган вилояти Мингбулоқ туман Кенгаши раиси, Ўзбекистон ёшлар иттифоқи Наманган вилояти Кенгаши раиси ўринбосари лавозимларда фаолият юритган.

2020 йилдан Ўзбекистон Республикаси Олий Мажлиси Қонунчилик палатаси Коррупцияга қарши курашиш ва суд-ҳуқуқ масалалари қўмитасининг аъзоси, Ўзбекистон Республикаси Олий Мажлиси Қонунчилик палатасининг Ёшлар масалалари бўйича комиссияси раиси ўринбосари лавозимларида ишлаб келмоқда.

Оилали. 2 нафар фарзанди бор.