Yosh fermerlar – yangi tashabbuslarning ijodkori
14.11.2017, 18:21
Statistik ma’lumotlarga ko‘ra, mamlakatimizda 5 ming 800 dan ziyod yosh fermer faoliyat ko‘rsatmoqda. Shu bois ularning faoliyatini qo‘llab-quvvatlash, erishgan yutuqlarini ommalashtirish, ularni milliy va xorijiy tajribalar bilan tanishtirish muhim ahamiyat kasb etadi. Ana shu maqsadda O’zLiDeP muntazam ravishda “Yosh fermer” ko‘rik-tanlovini o‘tkazib kelmoqda.
Mazkur ko‘rik-tanlovning Sirdaryo viloyat bosqichi ham ko‘tarinki ruhda tashkil etildi. Tanlovda 18-35 yoshgacha bo‘lgan fermerlik harakatida faol ishtirok etayotgan shijoatli, izlanuvchan va tashabbuskor yosh fermerlar ishtirok etdi.
– Fermer xo‘jaligimiz 2004 yilda tashkil etilgan, – deydi “Sattorqul avlodi” ko‘p tarmoqli fermer xo‘jaligi rahbari, tanlov g‘olibi Jahongir Islomov. – Joriy yilda 15 gektar maydonda paxtaning “S-65” navini parvarish qilib, gektardan 21-25 sentnerdan hosil oldik. Shartnomaviy reja 30 tonna bo‘lishiga qaramay, davlatga 54 tonnadan ortiq paxta xom ashyosini topshirib, shartnomaviy rejani 181 foizga bajardik. Kelgusida fermer xo‘jaligimizda meva-sabzavot mahsulotlarini qayta ishlash korxonasini ishga tushirishni maqsad qilganmiz.
“Yosh fermer” respublika ko‘rik-tanlovinining viloyat bosqichida faol ishtirok etgan barcha ishtirokchilarga hamkor tashkilotlarning esdalik sovg‘alari va faxriy yorliqlar topshirildi.
Husan JABBOROV,
O`zLiDeP Sirdaryo viloyat Kengashi
Yoshlar bilan ishlash bo‘limi mudiri
O‘zLiDePning Facebook’dagi rasmiy sahifasi va Telegram’dagi kanaliga a’zo bo‘lib, so‘nggi yangiliklardan xabardor bo‘ling!
Fikringizni qoldiring
O'xshash yangiliklar
-
Yoshlarning biznesga qiziqishi yana-da ortmoqda
24.04.2024, 17:07
-
Talaba-yoshlarning partiya loyihalariga qiziqishi ortmoqda
09.04.2024, 19:25
-
Nukuslik yoshlarning moliyaviy savodxonligi oshirildi
31.03.2024, 09:59
-
Yoshlarning moliyaviy savodxonligi oshirildi
16.03.2024, 14:44
-
Deputat talabalarning ta’lim va ish bilan bandlik yo‘nalishidagi muammolari bilan qiziqdi
07.03.2024, 10:56
Bildirilgan fikrlar
Sherzod2018-10-05 21:21:28
Men Qarshi shaxridanman.O.T.T tadbirkorman shaxar xokimi tusqinlik qilmoqda J.Fozilov.