O‘zLiDeP “Yoshlar qanoti” tomonidan tashabbuskor yigit-qizlarni birlashtirish maqsadida joylarda “Yosh liberallar klubi” tashkil etilmoqda. Kattaqo‘rg‘on shahrida ham “Yosh liberallar klubi” faoliyat boshladi.

Tadbirda “Yosh liberallar” klubining maqsad va vazifalari, klubga a’zo bo‘lish shartlari, a’zolarning huquq va majburiyatlari haqida taqdimotlar qilindi.

Mazkur klubga 30 dan ortiq  yoshlar a’zo bo‘lishdi. Klub a’zolarining qiziqishlari doirasida “Kelajak deputatlari” va “Yosh tadbirkorlar muammolarini o‘rganish guruhlari”ga taqsimlandi. Mazkur klub rahbarligiga O‘zbekiston yoshlar ittifoqi Kattaqo‘rg‘on shahar Kengashi yetakchisi Furqat Najmiyev munosib ko‘rildi.

– Menga bildirilgan ishonchni oqlashga harakat qilaman – deydi Furqat Najmiyev – Bu klub albatta yoshlarning siyosiy, ma’naviy jihatdan yuksalishiga xizmat qiladi. Klubimizning  faol va iqtidorli yoshlar bilan mahallalarda, ta’lim mussasalarida ijtimoiy-siyosiy, ma’naviy-ma’rifiy, huquqiy sohalarga bag‘ishlangan davra suhbatlari, tadbirlar, ochiq muloqotlar tashkil etamiz.

O‘zLiDePning Facebook’dagi rasmiy sahifasi va Telegram’dagi kanaliga a’zo bo‘lib, so‘nggi yangiliklardan xabardor bo‘ling!