Qoraqalpog‘istonda 2018-2019 yillarda hunarmandchilik bo‘yicha 173 loyiha ishga tushishi natijasida 348 yangi ish o‘rni yaratiladi
07.03.2018, 16:04
Xalq deputatlari Nukus shahar Kengashidagi O‘zLiDeP deputatlik guruhining navbatdagi yig‘ilishi bo‘lib o‘tdi.
Unda deputatlar 2018 yil ish-rejasiga muvofiq “Asaka bank”, AT “Ipoteka bank”, ATB “Agrobank”, “Mikrokreditbank” ATB, ATB “Qishloq qurilish bank”, AK “Aloqabank”lari mutasaddilarining hisobotini eshitdi.
Dastlab bank mutasaddilari Prezidentimizning 2017 yil 17 noyabrdagi “Hunarmandchilikni yanada rivojlantirish va hunarmandlarni har tomonlama qo‘llab-quvvatlash chora-tadbirlari to‘g‘risida”gi Farmoni ijrosi bo‘yicha 2018-2019 yillarda mamlakatimizda hunarmandchilikni rivojlantirishning manzilli dasturida shahar hududidagi loyiha innitsiatorlariga tijorat banklari tomonidan moliyalashtiriladigan kredit resurslari haqida ma’lumotlar berdi.
Qayd etilishicha, Farmonda belgilangan manzilli dasturga ko‘ra Qoraqalpog‘iston Respublikasi bo‘yicha loyiha qiymati 5979,0 mln. so‘mga teng, shundan, 4502,0 mln.so‘m tijorat banklari krediti hisobiga 348 yangi ish o‘rinlari yaratilishini ko‘zda tutuvchi 173 loyiha amalga oshirilishi rejalashtirilmoqda.
–Qabul qilingan dastur asosida 79 loyihaga 2148,0 mln.so‘m miqdorida kreditlar ajiratildi, – deydi “Mikrokreditbank” ATB xodimi Ramiza Tulepova. – Agar, hunarmand yoki hunarmandchilik bilan shug‘ullanish istagida bo‘lgan tadbirkorlar “Hunarmand” uyushmasiga a’zo bo‘lsa, 2017 yil 1 dekabrdan boshlab mahsulotlarni ishlab chiqarish hamda sotishda doimiy soliq to‘lamlaridan ozod etilishi belgilangan. Shu boisdan hozirga qadar 118 tadbirkor uyushmaga a’zo bo‘ldi va 124 hunarmandga bankimizdan hisob varaqasi ochildi.
Ta’kidlash kerak, Farmonda belgilangan manzilli dasturga ko‘ra Nukus shahrida AT “Aloqabank”ning 8,0 mln.so‘m krediti hisobidan hunarmand Nigora Sidabullayeva, ATB “Agrobank”ning 50,0 mln.so‘m krediti hisobidan Salamat Qarlibayev shuningdek, “Mikrokreditbank” ATBning 50,0 mln.so‘m krediti hisobidan Azatbay Otarbayevlarning loyihasi ishga tushdi.
O‘zLiDeP Qoraqalpog‘iston Respublikasi
Kengashi matbuot xizmati
O‘zLiDePning Facebook va Instagramdagi rasmiy sahifasi hamda Telegram’dagi kanaliga a’zo bo‘lib, so‘nggi yangiliklardan xabardor bo‘ling!
O'xshash yangiliklar
-
Poytaxtlik ishbilarmon xotin-qizlar mahallalar kesimida saralanyapti
25.04.2024, 12:01
-
Dehqonobodlik deputatlar bilan muloqot qilindi
25.04.2024, 11:50
-
Byudjet mablag‘lari hisobidan ortiqcha sarf-xarajatlarga yo‘l qo‘ymaslik lozim
25.04.2024, 11:46
-
Kasbida aholi daromadlarini oshirish borasida qilinayotgan ishlar o‘rganildi
25.04.2024, 09:15
-
Yoshlarning biznesga qiziqishi yana-da ortmoqda
24.04.2024, 17:07
Fikringizni qoldiring