Partiya vakillari qoraqalpog'istonlik talaba yoshlar bilan ochiq muloqot qildi
31.10.2022, 15:49
Berdaq nomidagi Qoraqalpoq davlat universitetida “Deputat va yoshlar” uchrashuv bo‘lib o‘tdi.
Uchrashuvda Oliy Majlis Qonunchilik palatasi Spikeri o‘rinbosari, O’zLiDeP fraksiyasi rahbari Aktam Xaitov, Oliy Majlis Qonunchilik palatasi deputati M.Ibragimov, Qoraqalpog‘iston Respublikasi Jo‘qorg‘i Kengesi qo‘mitasi raisi Sh.O’temisov, O’zLiDeP Qoraqalpog‘iston Respublikasi Kengashi apparat rahbari K.Artikov, universitetning professor o‘qituvchilari, talaba yoshlar va OAV vakillari ishtirok etdi.
Uchrashuvda asosan mamlakatimizda keyingi yillari amalga oshirilayotgan tub islohotlar, ayniqsa har bir sohani isloh etish borasida olib borilayotgan ishlar, taraqqiyot strategiyasi asosida mamlakatimizda bo‘layotgan islohotlar, ta’lim sohasida yoshlarga ko‘rsatilayotgan e’tibor va imkoniyatlar, Qonunchilikdagi yangiliklar, partiya va fraksiya faoliyati, qabul qilinayotgan qaror va farmonlarning mazmun-mohiyati borasida ham atroflicha fikr almashildi.
Aktam Xaitov o‘z so‘zida mamlakatimizda keyingi yillari barcha sohalarda amalga oshirilayotgan tub islohotlar, ayniqsa yangi tahrirda qabul qilingan “O’zbekiston Respublikasining Mehnat kodeksini tasdiqlash to‘g‘risida”gi Qonunning mazmun-mohiyatini tushuntirib o‘tdi. Kodeksga ko‘ra, yakka tartibdagi mehnatga oid munosabatlar va ular bilan bevosita bog‘liq ijtimoiy munosabatlarni huquqiy tartibga solishning asosiy prinsiplari, davlat aholining ijtimoiy ehtiyojmand toifalarini ishga joylashtirish bo‘yicha qo‘shimcha kafolatlarni ta’minlashi ko‘zda tutilmoqda.
Jumladan, mehnat erkinligi har kimning mehnat qilishga bo‘lgan o‘z qobiliyatlarini tasarruf etish, ularni qonun bilan taqiqlanmagan har qanday shaklda amalga oshirish, mashg‘ulot turini, kasbni va mutaxassislikni, ish joyini hamda mehnat sharoitlarini erkin tanlash huquqini anglatadi.
Uchrashuv davomida universitetning 150 nafar talaba yoshlari O’zLiDeP safiga a’zolikka qabul qilinib, 10 nafar talaba yoshlar kadrlar zaxirasiga olindi. Uchrashuv davomida eng faol talaba yoshlarga Prezident kitoblari sovg‘a qilindi.
O’zLiDeP Qoraqalpog‘iston Respublikasi
Kengashi matbuot xizmati
O'xshash yangiliklar
-
Jondorlik deputatlar va mahalla faollari bilan muloqot qilindi
04.05.2024, 18:01
-
Xalqaro investisiya forumi amaliy hamkorlikni sifat va mazmun jihatidan mutlaqo yangi, yanada yuksak bosqichga olib chiqadi
03.05.2024, 09:34
-
Dehqonobodlik deputatlar bilan muloqot qilindi
25.04.2024, 11:50
-
O‘zbekiston va Tojikiston o‘rtasidagi ittifoqchilik munosabatlari xalq manfaatlari yo‘lida
20.04.2024, 12:07
-
Aholiga qonunchilikdagi yangiliklar tushuntirildi
20.04.2024, 08:29
Fikringizni qoldiring