Deputat saylovchilar bilan uchrashuvda bildirilgan muammolarni o‘z nazoratiga oldi
14.12.2022, 10:56
Shu kunlarda Xalq deputatlari Toshkent shahar va tuman Kengashlari deputatlari o‘zlari saylangan okruglarida saylovchilar bilan muloqotlar o‘tkazyapti. Yuzma-yuz muloqotlarda deputatlar aholi tomonidan bildirilgan takliflarni, muammolarni joyida hal etishga alohida e’tibor qaratmoqda.
12-Yalang‘och saylov okrugidan saylangan Xalq deputatlari Toshkent shahar Kengashi deputati Jamoliddin Meliboyev Mirzo Ulug‘bek tumanidagi “Bahor” va “Katta Yalang‘och ota” mahallalarida yashovchi fuqarolar bilan ochiq muloqot o‘tkazdi. Uchrashuvda asosan xotin-qizlarning ijtimoiy qo‘llab-quvvatlash, sog‘liqni saqlash va kommunal xizmatlar ko‘rsatishdagi ba’zi muammolar borasida murojaatlar qilindi. Shuningdek, og‘ir ijtimoiy ahvolga tushib qolgan qarovchisi bo‘lmagan yoki ehtiyojmand ayollar, shuningdek, kasallikka chalingan, dori-darmonga muhtoj oilalar, davolanish uchun yetarlik mablag‘i bo‘lmagan nochor oilalar o‘z murojaatlari bilan qatnashdi.
Deputat ushbu yo‘nalishdagi muammolarni tinglar ekan, qilingan barcha murojaatlar o‘z yechimini topish maqsadida Mirzo Ulug‘bek tuman hokimligi, tuman sog‘liqni saqlash boshqarmasi, mahalla fuqarolar yig‘ini raislari, mutasaddi tashkilotlar vakillari bevosita ishtiroki ta’minlandi.
Fuqarolar tomonidan bildirilgan murojaatlarning aksariyati joyida yechim topilgan bo‘lsa, muddat talab qiladigan masalalar tegishli tashkilotlar orqali hal qilish choralari ko‘rildi.
Deputatning saylovchilar bilan uchrashuvlari davom etmoqda.
O'xshash yangiliklar
-
Qo‘rg‘ontepada qishloq xo‘jaligiga mo‘ljallangan yerlardan samarali foydalanish holati tahlil qilindi
26.01.2024, 16:23
-
Deputat ko‘magida aholi xonadonlariga ichimlik suvi yetib bormoqda
26.01.2024, 11:59
-
Deputatlik eshituvi tanqidiy-tahliliy ruhda o‘tdi
26.01.2024, 11:58
-
Boshqarma boshlig‘ining hisoboti eshitildi
25.01.2024, 15:34
-
Zominlik deputatlar tuman elektr tarmoqlari korxonasi rahbarining hisobotini eshitdilar
23.01.2024, 15:15
Fikringizni qoldiring