Deputat tashabbusi bilan notekis yo‘llar tekislanmoqda
09.03.2023, 18:17
Bugun O’zLiDeP deputatlari yurt taqdiriga daxldor bo‘lib, xalqimizni rozi qilish yo‘lidan borishmoqda.
Xalq deputatlari Bekobod shahar Kengashidagi partiya deputati Davlatjon Xolmurodov ham shunday xalq noiblaridan biri.
Deputat o‘zi saylangan hudud aholisi turmush farovonligini oshirish, ularning haqli e’tirozlariga sabab bo‘layotgan muammolarni tizimli hal etishda jonbozlik ko‘rsatib kelmoqda.
El-yurt dardi bilan yashayotgan deputat “Birdamlik” MFYdagi o‘z saylovchilari bilan tez-tez uchrashib turadi. Uchrashuvlar chog‘ida ular tomonidan ko‘tarilgan har bir masalani diqqat bilan tinglab, ijobiy hal etish choralarini ko‘radi.
O’tkazilgan uchrashuvlar chog‘ida aholi vakillari tomonidan bildirilgan murojaatlarni diqqat bilan o‘rgangan deputat tashabbuskorligi va bosh-qoshligida Oxunov ko‘chasidagi notekis yo‘llar tekislandi. 4 ta tungi yoritgich chiroqlari o‘rnatildi. Me’mor ko‘chasi hududida joylashgan qabriston va mahalladan o‘tuvchi yirik ariqni tozalash ishlari bolib borildi.
Fidoyi deputat bu ishga shahar kadastr, arxitektura bo‘limlari, “Bekobodyo‘lsanoat” korxonasi, “Birdamlik” MFY raisi, hokim yordamchisi hamda yoshlar yetakchilarini jalb qildi.
Ko‘pdan quyon qochib qutulmaydi, deganlaridek, deputat boshchiligida katta uyushqoqlik bilan o‘tkazilgan tadbirlar natijasida hudud obod qiyofa kasb etdi.
Deputat shuningdek, hududda aholi va biznesni qiynab kelayotgan muammolar, ular bo‘yicha ilgari surilayotgan taklif va tashabbuslarni sinchkovlik bilan o‘rganmoqda. Ularga joyida ijobiy yechim topish imkonlarini qidiryapti. O’z yechimni kutib turgan masalalarni mutasaddilar orqali ijobiy hal qilmoqda.
Natijada, murojaatlar qanoatlantirilayapti. Muhimi, xalqimizning og‘iri yengil bo‘lyapti. Ertangi kunga ishonchi ortyapti.
Zuxro Mirzohamdamova,
O’zLiDeP Toshkent viloyat Kengashi
bo‘lim mudiri
O'xshash yangiliklar
-
Qo‘rg‘ontepada qishloq xo‘jaligiga mo‘ljallangan yerlardan samarali foydalanish holati tahlil qilindi
26.01.2024, 16:23
-
Deputat ko‘magida aholi xonadonlariga ichimlik suvi yetib bormoqda
26.01.2024, 11:59
-
Deputatlik eshituvi tanqidiy-tahliliy ruhda o‘tdi
26.01.2024, 11:58
-
Boshqarma boshlig‘ining hisoboti eshitildi
25.01.2024, 15:34
-
Zominlik deputatlar tuman elektr tarmoqlari korxonasi rahbarining hisobotini eshitdilar
23.01.2024, 15:15
Fikringizni qoldiring