Ishsizlikdan tadbirkorlikkacha: bandixonlik X.Norqulova misolida
25.07.2023, 11:48
O'zLiDeP Bandixon tumani Kengashi tomonidan ham tumandagi Madaniyat uyida "Har bir kun – bu imkoniyat, har bir kun – bu kelajak poydevori” shiori ostida "Ishbilarmon ayol-2023" ko‘rik-tanlovining tuman bosqichi bo‘lib o‘tdi. Tadbirda tadbirkor ayollarning ishlab chiqarish faoliyati, ular yaratgan mahsulotlarga baho berildi.
G’olib sifatida 35 turdagi non va non mahsulotlari ishlab chiqarishni yo‘lga qo‘yib, hududdagi ko‘plab ayollarni hunarli, ishli qilgan tadbirkor Xolida Norqulovaning faoliyatiga yuqori baho berildi.
- Ikki yil oldin men ham "Ayollar daftari"da ro‘yxatda turib, faoliyatimni 30 million so‘m kredit olib, oilaviy korxona faoliyatini yo‘lga qo‘yish bilan boshlagandim, - deydi Xolida Norqulova. - Bugun o‘zim qatori ishsiz ayollarga hunar o‘rgatib, ish bilan ta’minlayaman. Shu bilan birga, el dasturxoniga ko‘rk bo‘ladigan non mahsulotlari ishlab chiqarib, yaxshi daromad olayapman. Endi O’zLiDePning qo‘llab-quvvatlovida "Ishbilarmon ayol-2023" tanlovi tuman bosqichida g‘olib bo‘ldim. Bundan juda mamnunman. Menga bildirilgan ishonch sabab bundan keyin ham g‘ayratimni so‘ndirmasdan ish faoliyatimni yanada kengaytiraman.
Tanlovda Xolida opaga o‘xshagan ko‘plab partiyaning faol tadbirkor ayollari ishtirok etishdi va unda g‘olib bo‘lganlarga partiya hududiy kengashi tomonidan esdalik sovg‘alari berildi.
O’zLiDeP Surxondaryo viloyati Kengashi
matbuot xizmati
O'xshash yangiliklar
-
Poytaxtlik ishbilarmon xotin-qizlar mahallalar kesimida saralanyapti
25.04.2024, 12:01
-
Ishbilarmon ayollar saralanmoqda
21.04.2024, 13:39
-
O‘zLiDeP “Ayollar qanoti” loyihalari orqali ishsiz xotin-qizlar tadbirkor bo‘lyapti
09.04.2024, 19:52
-
Qoratepalik Matluba opa tomorqasidan har yili 30 million so‘m daromad qilmoqda
09.04.2024, 19:49
-
Xotin-qizlarning iqtisodiy, ijtimoiy va siyosiy faolligini oshirishga eʼtibor yana-da kuchaygan
31.03.2024, 10:51
Fikringizni qoldiring