O’zLiDePning Yosh siyosatchilari Qurolli Kuchlar Akademiyasi faoliyati bilan tanishdi
11.01.2024, 12:50
Xabaringiz bor, Prezident raisligida joriy yilning 2 yanvar kuni mudofaa qurilishi va O’zbekiston Respublikasi Qurolli Kuchlarini rivojlantirish masalalariga bag‘ishlangan xizmat yig‘ilishida yoshlarni harbiy-vatanparvarlik ruhida tayyorlashga hamda Qurolli Kuchlar tashkil etilganining 32 yilligi va Vatan himoyachilari kuniga bag‘ishlangan bayram tadbirlarini yuksak saviyada tayyorlash va o‘tkazish masalalariga alohida e’tibor qaratildi.
O’zLiDeP Siyosiy Kengashi Ijroiya qo‘mitasi tashabbusi bilan “Yosh siyosatchilar Ligasi” a’zolari ishtirokida Mudofaa vazirligi huzuridagi Qurolli Kuchlar Akademiyasida “Yoshlar va armiya - bir tanu bir jon!” mavzusida uchrashuv tashkil etildi.
Uchrashuvda Partiyaning faol yoshlari Qurolli Kuchlar Akademiyasi faoliyati (muzey, sport zal, kutubxona, jangavor shaylik bo‘yicha xizmat xonalari) bilan yaqindan tanishdilar. Shuningdek Akademiya boshlig‘ining tarbiyaviy va mafkuraviy ishlar bo‘yicha o‘rinbosari polkovnik A.Ergashev tomonidan Qurolli Kuchlar tizimida yoshlar bilan olib borilayotgan ishlar holati, tizimi, yaratilgan shart-sharoitlar xususida ma’lumotlar berildi.
Partiyaning dasturiy maqsadlarida Yoshlarni harbiy vatanparvarlik ruhida tarbiyalashga alohida ahamiyat qaratilgan bo‘lib, Partiya faollari, yoshlari bu jarayonlarda birgalikda harakatni kuchaytirishga kelishib olindi.
O'xshash yangiliklar
-
Yoshlarning biznesga qiziqishi yana-da ortmoqda
24.04.2024, 17:07
-
Talaba-yoshlarning partiya loyihalariga qiziqishi ortmoqda
09.04.2024, 19:25
-
Nukuslik yoshlarning moliyaviy savodxonligi oshirildi
31.03.2024, 09:59
-
Yoshlarning moliyaviy savodxonligi oshirildi
16.03.2024, 14:44
-
Deputat talabalarning ta’lim va ish bilan bandlik yo‘nalishidagi muammolari bilan qiziqdi
07.03.2024, 10:56
Fikringizni qoldiring