Qozog‘iston Respublikasining O‘zbekiston Respublikasidagi Favqulodda va muxtor elchisi O‘zLiDeP Buxoro viloyati Kengashi faoliyati bilan tanishdi

01.05.2018, 16:47

2018 yil 26 aprel kuni Buxoro shahrida Qozog‘iston Respublikasining O‘zbekiston Respublikasidagi Favqulodda va muxtor elchisi Yermek Utemuratov O‘zLiDeP Buxoro viloyat Kengashi raisi Farmon Aminov bilan uchrashuv o‘tkazdi.

Uchrashuv davomida mehmon O‘zLiDeP Buxoro viloyat Kengashi tomonidan partiyaviy loyihalarni amalga oshirilishi borasida amalga oshirildayotgan ishlar bilan yaqindan tanishdi, shuningdek tomonlar o‘rtasida ikki mamlakat xududlari o‘rtasida o‘zaro aloqalarni rivojlantirish, bu jarayonlarda siyosiy partiyalarning roli to‘g‘risida fikrlar almashinuvi bo‘lib o‘tdi.

O‘zLiDeP xududiy kengashlari, deputatlik guruhlari oldida xozirgi kunda turgan ustuvor masalalardan biri bo‘lgan xududlarda mavjud ishbilarmonlik va investitsion muhitni yanada yaxshilashga qaratilgan dasturlarni ishlab chiqish va hayotga joriy etishda yaqindan ishtirok etish ekanligi ta’kidlandi. Bu ishlarni amalga oshirishda mahalliy vakillik organlaridagi deputatlik korpusining roli to‘g‘risida to‘xtalib o‘tildi.

Shundan so‘ng, Qozog‘iston Respublikasining O‘zbekiston Respublikasidagi Favqulodda va muxtor elchisi Ye.Utemuratov so‘z olib, Qozog‘iston Respublikasida jamiyat hayotini isloh qilish borasida amalga oshirilayotgan ishlar xususida atroflicha to‘xtaldi, Buxoro viloyatiga tashrifidan maqsadlari borasida gapirib o‘tdi.

Uchrashuvda O‘zbekiston va Qozog‘iston o‘rtasidagi yaqin qo‘shnichilik munosabatlari, strategik sheriklik hamda mushtarak maqsadlar yangicha bosqichga ko‘tarilayotganligi ta’kidlandi, siyosiy partiyalar ham ikki mamlakat o‘rtasida erishilgan yuqori darajadagi kelishuvlarda ko‘zda tutilgan dolzarb vazifalarni hayotga joriy etishda faol ishtirok etishlari zarurligi alohida qayd etib o‘tildi.

Xususan, mamlakatlar turistik imkoniyatlaridan unumli foydalanish, ikki mamlakat viloyatlari bilan o‘zaro aloqalarni yo‘lga qo‘yish, o‘zbek va qozoq xalqlari madaniyatlarini keng targ‘ib etish va boshqalar shular jumlasidandir.

Uchrashuv do‘stona ruhda o‘tdi.

O‘zLiDeP mabuot xizmati

O‘zLiDePning Facebook va Instagramdagi rasmiy sahifasi hamda Telegram’dagi kanaliga a’zo bo‘lib, so‘nggi yangiliklardan xabardor bo‘ling!

Ko'rildi

1345
Chop etish
Do'stlar bilan ulashish

Bildirilgan fikrlar

УзЛиДеП Термиз шахар Кенгаши ижрочи котиби Б.Ф.Маманоров2018-05-02 17:56:27

Албатта бу каби ҳамкорликлар партиямиз нуфузи ва салоҳиятини янада ошишига хизмат килади.

"Гурлан гўза" фермер хўжалиги БПТ2018-05-02 13:49:57

Бошқа давлат вакилларининг давлатимизда фаолият олиб бораётган сиёсий партиялар фаолиятига қизиқиши биз учун қувонарли, албатта!

Қашқадарё вилояти Кенгаши аппарат раҳбари - А.Шеров2018-05-02 12:13:04

Албатта бу каби ҳамкорликлар партиямиз нуфузи ва салоҳиятини янада ошишига, нафақат мамлакатимиз ичида балки яқин қўшни мамлакатлар , дунё давлатлари ичида ҳам биз илгари сураётган ғояларнинг оммалашувига сабабчи бўлади.

Норқулова Феруза Узун туман Кенгаши ижрочи котиби2018-05-02 11:45:35

Қўшни давлатлар вакилларининг давлатимиз сиёсий партияларига қизиқиши бу партиямизни нуфузини янада оширади.

Мавжуда Рашидова-O'zLiDeP Бухоро вилоят Кенгаши бўлим мудири2018-05-02 11:37:37

Қозоғистон Республикасининг Ўзбекистондаги фавқулодда ва мухтор элчиси Е.М.Утембаевнинг Бухорога ташрифи ва Ўзбекистон Либерал-демократик партияси вилоят ташкилоти раҳбарияти билан учрашуви барча ходимлар ва фаолларда жуда катта қизиқиш уйғотди. Бўлиб ўтган дўстона учрашув ва музокараларда иккала давлатнинг етакчи сиёсий партиялари - “Нур Отан” ва O’zLiDeP фаолияти билан яқиндан танишилди, ушбу сиёсий тузилмаларнинг келгусидаги ўзаро ҳамкорлиги бўйича сўз юритилди. Шуни айтиш жоизки, бугунги кунда вилоят партия ташкилоти сафларидаги 20 минг O’zLiDeP аъзолари орасида қардош қозоқ халқи вакиллари ҳам бор. Ромитан туманидаги Газли, Байналминал, Пешкў туманидаги Жонгелди маҳалла фуқаролар йиғинларида, “Газлинефтқазибчиқариш” МЧЖ, “Газлимагистралгазқувурлари” бошқармасида ташкил этилган партиянинг қуйи бўғинларида ўзбеку қозоқлар изчил фаоллик кўрсатишмоқда. Дўстона учрашув самараси ўлароқ, иккала партия ўртасидаги ҳамкорлик янада кучайиб, ўзаро тажриба ва фикр алмашувлар кенг йўлга қўйилади, партиямизнинг ташқи сиёсат ва миллий хавфсизликни таъминлаш соҳасидаги дастурий вазифалари ижроси таъминланган бўлади деб ўйлаймиз.

O`zLiDeP Сурхондарё вилоят Кенгаши Ёшлар билан ишлаш бўлими мудири Зебинисо Сапарова Давлат қизи2018-05-02 10:42:24

Бухоро шаҳрида Қозоғистон Республикасининг Ўзбекистон Республикасидаги Фавқулодда ва мухтор элчиси Ермек Утемуратов O‘zLiDeP Бухоро вилоят Кенгашига ташрифи чоғида партиямиз фаолиятига ижобий баҳо бериши қуноварли хол албатта.

Олтинсой туман Кенгаши Мингчинор МФЙ БПТ2018-05-02 10:20:34

Бу икки давлат дустона алоқалар ўрнатиб, ўзаро алоқаларни ривожлантиришдаги муносабатлар мухум ахамиятга эга бўлмоқда

Томди тумани Маданият ва спорт ишлари булими БПТ раиси Н.Қурманбаева2018-05-02 09:51:05

Қозоғистон Республикасининг Ўзбекистон Республикасидаги Фавқулодда ва мухтор элчиси Ермек Утемуратов O‘zLiDeP Бухоро вилоят Кенгаши раиси Фармон Аминов билан учрашуви ўзбек ва қозоқ халқларининг маданиятлари билан яқиндан танишишда, туризм ва тадбиркорлик сохаларининг ривожлантиришга имкониятлар яратилмоқда.

Чилонзор туман Кенгаши Мўминова Нигора2018-05-02 09:44:00

Қозоғистон Республикасининг Ўзбекистон Республикасидаги Фавқулодда ва мухтор элчиси Ермек Утемуратовнинг O‘zLiDeP Бухоро вилояти Кенгашидаги ташрифи партиямизнинг келгуси тарғибот ишларида ижобий рол ўйнайди.Бундай учрашувларни қўллаб қувватлаймиз.

Сергели Матниязова Гулрух2018-05-02 09:24:40

Ўзбекистон ва Қозоғистон ўртасидаги яқин қўшничилик муносабатлари, стратегик шериклик ҳамда муштарак мақсадлар янгича босқичга кўтарилаётганлигидан хурсандмиз.