O‘zLiDeP Xorazm viloyat Kengashi tomonidan “Yosh innovatsiyachi” ko‘rik-tanlovining viloyat bosqichi o‘tkazildi.

– Tanlovda yontoq o‘simligiga turli xil poliz ekinlarini payvandlash bo‘yicha ishlab chiqqan loyiham bilan qatnashdim,  – deydi tanlovning 1-o‘rin sohibi Sotimposhsha Odamboyeva. – Yontoq o‘simligining ildizi 20 metrgacha  yer ostiga yetib borishi tufayli unda inson organizmi uchun kerakli bo‘lgan ko‘plab minerallar mujassam. Shu bois, yontoq o‘simligiga poliz ekanlarini ayrim turlarini payvandlash usuli bilan mahsulotlar yetishtirishni yo‘lga qo‘ydim va buni tarvuz, qovoq mahsulotlarida sinab ko‘rdim. Hozircha natija yomon emas. Loyiham yaxshi samara berdi. 

Nodirbek Yaqubov Urganch qurilish kasb-hunar kollejida tahsil oladi. Bugungi tanlovda uning “Hunarmandchilikdan unumli foydalanish” mavzusidagi taqdimoti ishtirokchilarda katta taassurot qoldirdi.

– Loyihamning e’tiborli tomoni shundaki, unda hunarmandchilikda foydalaniladigan yog‘och mahsulotlaridan chiqadigan chiqindi mahsulotlariga turli xildagi bezaklar berish orqali ko‘rgazmali suvinerlar ishlab chiqarish mumkin, – deydi yosh ixtirochi. – Bu esa yog‘ochdan tashqari, chiqindilardan ham daromad olish imkonini berishi bilan bir qatorda, milliy rasmlarimiz tushirilgan naqshinkor mahsulotlar turistlar e’tiborini ham jalb qiladi. Agar loyiham hayotga tatbiq etilsa, kelgusida u sayyohlar uchun eng xaridorgir mahsulotga aylanadi.  

Tanlovda g‘olib va sovrindorlar O‘zLiDeP Xorazm viloyat Kengashi tomonidan diplom va esdalik sovg‘alari bilan taqdirlandi.

Umrbek EGAMOV,

O‘zLiDeP Xorazm viloyat Kengashi

yoshlar bilan ishlash bo‘limi mudiri

O‘zLiDePning Facebook va Instagramdagi rasmiy sahifasi hamda Telegram’dagi kanaliga a’zo bo‘lib, so‘nggi yangiliklardan xabardor bo‘ling!