O‘zLiDeP Hazorasp tuman Kengashi tomonidan “Paxta tozalash” OAJ qoshida faoliyat yuritayotgan BPTda tashkil etilgan tadbir ana shunday nomlandi.

Tadbirda yoshlarni jamiyatga xavf solayotgan turli oqim va yot g‘oyalar ta’siridan  asrash, ularda sog‘lom muhitni shakllantirish, erkin fuqarolik jamiyatining asosiy sharti bo‘lgan aholining siyosiy madaniyati va huquqiy ongini oshirish, shuningdek, tinchlikni asrash, barqaror rivojlanishni ta’minlash insoniyat oldidagi eng muhim vazifalardan biri ekani ta’kidlandi.

– Islom niqobidagi turli tashkilotlar va harakatlarga qarshi samarali mafkuraviy kurash olib borishda, ularning g‘ayriinsoniy mohiyatini anglab yetish muhim ahamiyat kasb etadi, – deydi O‘zbekiston Musulmonlar idorasi Xorazm viloyat vakili X.Abdullayev. – Ayniqsa, yoshlar ongiga tahdid solishga harakat qilayotgan mazkur oqimlarning ta’siriga tushib qolmaslik uchun ma’naviy salohiyatimiz yetuk bo‘lishi lozim.

Tadbirda O’zLiDeP deputatlari va faollari joylarda mutasaddi tashkilotlar, mahalla, ta’lim muassasalari, ota-onalar va yoshlar bilan hamkorlikda ushbu ishlarni muntazam ravishda amalga oshirishga kelishib olindi.

M.ABDIRIMOV,

O‘zLiDeP Hazorasp tuman

Kengashi apparat rahbari

O‘zLiDePning Facebook va Instagramdagi rasmiy sahifasi hamda Telegram’dagi kanaliga a’zo bo‘lib, so‘nggi yangiliklardan xabardor bo‘ling!