Prezidentimiz tashabbusi bilan ishlab chiqilgan “Obod qishloq” dasturi yurtimizning chekka-chekka hududlari qatori poytaxtimizda ham keng quloch yoymoqda. Sharoiti og‘ir ko‘chalar tanlanib, namuna sifatida obod va fayzli maskanlarga aylantirilmoqda.

Buni Yunusobod tumanidagi “Muruvvat” mahallasida olib borilayotgan ishlar misolida ham ko‘rish mumkin. Chunki ayni chog‘da hududda bolalar uchun o‘yingoh, tikuv xonasi, ayollar va erkaklar saloni hamda cho‘milish havzalari qurilyapti.    

– Bugun mahallamiz guzarlari yanada chiroy ochmoqda. Ayniqsa, ichki yo‘llar qaytadan ta’mirlanib, aholini dam olishi uchun barcha qulayliklar yaratilmoqda, – deydi “Muruvvat” mahallasi faxriysi Nigora opa. – To‘g‘risi, bunday sharoitlardan boshimiz ko‘kka yetdi, quvonchimiz ichimizga sig‘may ketyapti. Nega deganda, bugun xalq noiblarining o‘zi xonadonimizga kelib, holimizdan xabar oldi, muammolarimizni hal etishga ko‘malashyapti.  

Ta’kidlash kerak, Toshkent shahrida “Obod mahalla” dasturi doirasida 1473ta uy-joy va 196 km uzunlikdagi ichki va xo‘jaliklararo yo‘llarni ta’mirlash belgilangan.

 Murodjon O‘RINOV,

O‘zLiDeP Toshkent shahar

Kengashi matbuot kotibi

O‘zLiDePning Facebook va Instagramdagi rasmiy sahifasi hamda Telegram’dagi kanaliga a’zo bo‘lib, so‘nggi yangiliklardan xabardor bo‘ling!