O‘zLiDeP Kattaqo‘rg‘on tuman Kengashi raisi, xalq deputatlari tuman kengashidagi partiya deputatlik guruhi a’zosi Ro‘zimurod  Jo‘rayev “Qoradaryo” mahallasida joylashgan 27-MTM faoliyati  bilan tanishdi.

Uchrashuv davomida xalq noibi muassasada bolalar uchun yaratilgan shart-sharoitlar bilan yaqindan tanishib, ishchi-xodimlar bilan dildan suhbat  qildi.

–Mazkur muassasa 1968 yilda qurilgan bo‘lib, 2015 yilda qayta ta’mirlandi, – deydi R.Jo‘rayev. – Ayni chog‘da bog‘chada 13 nafar tarbiyachi 135 nafar bolalarga ta’lim-tarbiya berib kelyapti. Biroq bog‘chaga kirar ekansiz dilingiz xira bo‘ladi. Sababi, muassasaning kirish qismi obodonlashtirilmagan, devorlarning suvoqlari ko‘chgan, oshxona sanitariya talablari asosida jihozlanmagan. Eng yomon tomoni, muassasada toza ichimlik suvi yo‘q.

Tashrif yakunida xalq deputatlari tuman kengashidagi O‘zLiDeP deputatlik guruhi a’zosi Ro‘zimurod  Jo‘rayev tomonidan yuqoridagi muammolar yuzasidan tegishli tashkilotlarga deputatlik so‘rovi yuborildi.

Baxtigul QARShIYEVA,

O‘zLiDeP Samarqand viloyat

Kengashi matbuot kotibi

O‘zLiDePning Facebook va Instagramdagi rasmiy sahifasi hamda Telegram’dagi kanaliga a’zo bo‘lib, so‘nggi yangiliklardan xabardor bo‘ling!