Bog‘otlik Rayxon Raxmonova 1 sotix yerdan 6 mln. so‘m miqdorida daromad olyapti
27.08.2018, 16:51
Bog‘ot tumani Mirishkor qishlog‘ining “Ma’naviyat” mahallasi kun sayin chiroy ochib bormoqda. Boisi, ayni chog‘da hududda “Obod qishloq” dasturi ijrosi doirasida keng ko‘lamli bunyodkorlik va qurilish-obodonlashtirish ishlari amalga oshirilmoqda.
Quvonarlisi, bunday savobli ishlarga davlat tashkiloti qatori, O‘zLiDeP tuman Kengashi faollari hamda Xalq deputatlari tuman Kengashidagi partiya deputatlik guruhi a’zolari ham faol qatnashmoqda. Partiya faollaridan iborat ishchi guruh a’zolari bu gal mazkur hududga borishdi.
-Partiya vakillarining shuncha yumushlardan ortib mahallamizga kelib, holimizdan xabar olganidan to‘g‘risi, rosa xursand bo‘ldik, - deydi “Ma’naviyat” mahalla raisi Kuronboy aka Kurbonov. – Nega desangiz, tashrif chog‘ida ular faqat odamlar bilan muloqot qilmasdan, yillar davomida aholini qiynab kelayotgan qator muammolarga yechim topdilar. Masalan, partiya faollarining ko‘magida ko‘plab yoshlar tadbirkorlik faoliyatini boshlab ishli bo‘ldi, o‘z tengqurlarini bandligini ta’minladi.
Shuningdek, ishchi guruh a’zolari hududdagi Rayxon Raxmonova xonadonida bo‘ldi. O‘zaro suhbat jarayonida Rayxon opaning 1 sotixlik yer maydoniga bodring ekib, 6 mln. so‘m atrofida daromad olgani aniqlandi.
Joylarda aholini o‘z tomorqasidan daromad olishga, dastur doirasida kam foizli kreditlar olib, issiqxona, baliqchilik, qoramolchilik, tikuvchilik, kasanachilik kabi foydali mehnat bilan shug‘ullanishlarini, xorijga ishlashga ketgan aholini yurtimizga qaytarib, bugungi kundagi imtiyoz va imkoniyatlardan foydalansa, katta daromad manbaiga ega bo‘lishi mumkinligi tushintirildi.
Shuningdek, oilaviy tadbirkorlik qilish istagini bildirgan fuqarolarga imtiyozli kredit olishlarida partiya doimo ko‘makdosh bo‘lishi aytib o‘tildi.
Masharipov MAXMUDJON,
O‘zLiDeP Bog‘ot tuman Kengashi
apparat rahbari
O‘zLiDePning Facebook va Instagramdagi rasmiy sahifasi hamda Telegram’dagi kanaliga a’zo bo‘lib, so‘nggi yangiliklardan xabardor bo‘ling!
O'xshash yangiliklar
-
Ishchi guruh vakillari ta’lim sohasida amalga oshirilayotgan ishlarni o‘rganmoqda
20.12.2023, 15:53
-
Qashqadaryoda oilaviy tadbirkorlar faoliyati o‘rganilmoqda
13.12.2023, 16:59
-
Davlat dasturining 67-maqsadi Hazoraspda qanday bajarilyapti?
23.11.2023, 18:03
-
Ishchi guruh vakillari IT sohasida belgilab berilgan vazifalar ijrosini muhokama qildi
14.11.2023, 16:47
-
Yutuqlar bor, muammolar ham yo‘q emas
13.11.2023, 16:53
Fikringizni qoldiring