Olotlik 23 yoshli tadbirkorning 30 nafar ishchi-xodimlari O‘zLiDePga a’zo bo‘ldi
07.09.2018, 10:42
Avval xabar berganimizdek, O‘zLiDeP Siyosiy Kengashi Ijroiya qo‘mitasi va Buxoro viloyat Kengashi vakillaridan tashkil qilingan ishchi guruh Olot tumanida bo‘ldi. Hududlardagi tadbirkorlik, qurilishi nazarda tutilgan binolar bilan yaqindan tanishish maqsadida partiya faollari “Sherzod Otamurodov Ravnaqi” oilaviy korxonasiga borishdi.
- Partiya faollarining tikuv seximizga tashrif buyurgani bizni yanada quvontirdi, - deydi 23 yoshli tadbirkor Sherzod Otamurodov. - Bizni qiynayotgan muammolar bilan o‘rtoqlashib, amaliy yordam qo‘lini cho‘zishga tayyor ekanliklari to‘g‘risida aytishdi. Ularning biz tadbirkorlarga yordam berish asosiy maqsadlari ekanligidan juda xursandmiz. Albatta, hozirning o‘zida barcha ishchilarimizni partiya safiga qo‘shishga va’da beramiz.
Ta’kidlash joizki, tadbirkor ushbu tikuv sexini ochishda bankdan imtiyozli kredit olib, 175 mln so‘mlik tikuv mashinalari olib kelgan. 36 nafar ishchi-xodim bilan yaqinda ish boshlaganiga qaramay tumandagi bir qator tashkilotlar uchun maxsus kiyimlar, bog‘cha va maktab formalari yetkazib bermoqda. Kelajakda yana 20 ta ishchi o‘rin yaratishni maqsad qilgani quvonarli holdir.
Ishchi guruhi vakillari tumandagi “Usmonshayx” MFYda bo‘lib aholi bilan ochiq muloqot o‘tkazdi. Mahalla fuqorolari Bekzod Gulliyev hamda Bekzod Abduhamidovlar tadbirkorlik faoliyatini boshlash maqsadida tijorat banklaridan kredit olish borasida muammolari borligi haqida to‘xtaldilar. Ushbu masalani ijobiy yechim topish maqsadida partiya deputatlik guruhi a’zolari o‘z nazoratiga olishdi.
Joylarda ishchi guruh tomonidan aholi muammolarini o‘rganish ishlari davom etmoqda.
O‘zLiDeP Buxoro viloyat kengashi
matbuot xizmati
O‘zLiDePning Facebook va Instagramdagi rasmiy sahifasi hamda Telegram’dagi kanaliga a’zo bo‘lib, so‘nggi yangiliklardan xabardor bo‘ling!
O'xshash yangiliklar
-
Ishchi guruh vakillari ta’lim sohasida amalga oshirilayotgan ishlarni o‘rganmoqda
20.12.2023, 15:53
-
Qashqadaryoda oilaviy tadbirkorlar faoliyati o‘rganilmoqda
13.12.2023, 16:59
-
Davlat dasturining 67-maqsadi Hazoraspda qanday bajarilyapti?
23.11.2023, 18:03
-
Ishchi guruh vakillari IT sohasida belgilab berilgan vazifalar ijrosini muhokama qildi
14.11.2023, 16:47
-
Yutuqlar bor, muammolar ham yo‘q emas
13.11.2023, 16:53
Fikringizni qoldiring