Ishchi guruh Kamila Axmadovaga tadbirkorlik faoliyatini boshlashiga ko‘maklashadi
14.09.2018, 18:21
Chirchiq shahridagi “Mirzo Ulug‘bek” MFYda 1322 ta xonadon bo‘lib, ularda 2965 nafar aholi istiqomat qiladi. Keyingi yillarda tumanda amalga oshirilgan keng ko‘lamli islohotlar mazkur hudud taraqqiyotini yangi pog‘onaga olib chiqdi.
O‘zLiDeP vakillaridan tuzilgan ishchi guruh a’zolari ushbu MFYda bo‘lib, “Obod mahalla” dasturi doirasida hududda amalga oshirilayotgan bunyodkorlik ishlari bilan tanishdi.
Tashrif davomida partiya faollari uyma-uy, xonadonma-xonadon yurib, odamlar bilan muloqot qildi, ularni qiynayotgan muammolarni o‘rgandi va hal etish choralarini ko‘rdi.
Kamila Axmadova “Mirzo Ulug‘bek” MFYda istiqomat qiladi. Hozirda u yurtimizda tadbirkorlarga qaratilayotgan e’tibordan samarali foydalanib, o‘z biznesini boshlash harakatida. Lekin biznes boshlash uchun ham katta mablag‘ kerak.
Shu masalada ishchi guruhdan yordam so‘ragan Kamilaning muammosi yaqin kunlarda hal bo‘ladigan bo‘ldi. Partiya faollari muammoni o‘z zimmasiga olib, ijobiy hal etib berishga va’da berdi.
Shuningdek, muloqotlar davomida aholiga “Har bir oila – tadbirkor” va “Yoshlar – kelajagimiz” dasturi mazmun-mohiyati haqida tushunchalar berildi.
O‘zLiDeP Toshkent viloyat
Kengashi matbuot xizmati
O‘zLiDePning Facebook va Instagramdagi rasmiy sahifasi hamda Telegram’dagi kanaliga a’zo bo‘lib, so‘nggi yangiliklardan xabardor bo‘ling!
O'xshash yangiliklar
-
Ishchi guruh vakillari ta’lim sohasida amalga oshirilayotgan ishlarni o‘rganmoqda
20.12.2023, 15:53
-
Qashqadaryoda oilaviy tadbirkorlar faoliyati o‘rganilmoqda
13.12.2023, 16:59
-
Davlat dasturining 67-maqsadi Hazoraspda qanday bajarilyapti?
23.11.2023, 18:03
-
Ishchi guruh vakillari IT sohasida belgilab berilgan vazifalar ijrosini muhokama qildi
14.11.2023, 16:47
-
Yutuqlar bor, muammolar ham yo‘q emas
13.11.2023, 16:53
Fikringizni qoldiring