Konstitutsiya – adolat ko‘zgusi
30.11.2018, 17:29
OʻzLiDeP Toshkent shahar Kengashi O‘zbekiston davlat jahon tillari universiteti bilan hamkorlikda Bosh qomusimiz qabul qilinganining 26 yilligiga bag‘ishlab “Konstitutsiya – adolat ko‘zgusi” mavzuida davra suhbati tashkil etdi.
Unda Oliy Majlis Qonunchilik palatasi deputatlari, OʻzLiDeP Toshkent shahar Kengashi xodimlari, Xalq deputatlari shahar va tuman Kengashidagi OʻzLiDeP deputatlik guruhi a’zolari, professor-o‘qituvchilar hamda talaba-yoshlar qatnashdi.
Tadbirda Konstitutsiyamiz nodavlat notijorat tashkilotlari va siyosiy partiyalarning erkin faoliyat yuritishi uchun ham keng imkoniyatlar yaratib, saylov tizimining asosiy tamoyil va qoidalarini mustahkamlagani ta’kidlandi.
– Konstitutsiyamiz xalqimiz siyosiy-huquqiy tafakkurining yuksak namunasidir, – deydi OʻzLiDeP Toshkent shahar Kengashi raisi To‘rabek Nazarov. – Bosh Qomusimiz hech kimga qaram bo‘lmasdan, erkin va ozod, tinch va osoyishta, farovon yashashning qonuniy kafolati bo‘lib kelmoqda. Eng muhimi, mamlakatimizda mustaqillik yillarida yoshlarga oid davlat siyosatining tashkiliy-huquqiy asoslarini yaratish va uning samaradorligini oshirish, ta’lim tizimini isloh qilish borasida uzoqni ko‘zlab olib borilayotgan keng ko‘lamli islohotlarning mustahkam huquqiy kafolati bo‘lib xizmat qilmoqda.
Tadbirda Konstitutsiyaning demokratik huquqiy davlat barpo etish va inson manfaatlarini ta’minlashdagi ahamiyati, xalqchilligi, xalqaro huquq normalariga mosligi, o‘ziga xos jihatlari haqida atroflicha fikr almashildi.
OʻzLiDeP Toshkent shahar
Kengashi matbuot xizmati
O'xshash yangiliklar
-
Poytaxtlik ishbilarmon xotin-qizlar mahallalar kesimida saralanyapti
25.04.2024, 12:01
-
Dehqonobodlik deputatlar bilan muloqot qilindi
25.04.2024, 11:50
-
Byudjet mablag‘lari hisobidan ortiqcha sarf-xarajatlarga yo‘l qo‘ymaslik lozim
25.04.2024, 11:46
-
Kasbida aholi daromadlarini oshirish borasida qilinayotgan ishlar o‘rganildi
25.04.2024, 09:15
-
Yoshlarning biznesga qiziqishi yana-da ortmoqda
24.04.2024, 17:07
Fikringizni qoldiring