Bugun bayrammi yoki...

03.12.2018, 16:28

Hech qanday kuy yoki musiqa ovozi eshitilmagan sahnada raqsga tushayotgan bolalarni koʻrganmisiz? Yoki ohangni tinglamasdan turli-tuman harakatlar qilayotgan kattalarni-chi?

Biz bugun tilsiz taqdir egalarining sanʼatiga guvoh boʻldik. Bunda hech kim gapirmaydi. Lof ham sotmaydi, shakarguftorlik ham qilmaydi. Ammo, ular dard-u, quvonchlarini barmoqlariga joylab, koʻzlari bilan soʻzlay oladi.

Olmazor tumanidagi karlar jamiyatining madaniyat saroyiga kirib borganimizda bu yerda 3 dekabr “Xalqaro nogironlar kuni“ga bagʻishlangan madaniy tadbir boʻlayotgan ekan.

Karlar jamiyatining badiiy jamoasi namoyish etayotgan bayram dasturidan hayratda qoldik.

Unda qoʻshiqchilar va raqqoslar ishtirok etardi. Faqatgina ular barcha tuygʻulari, kuy avjini barmoqlari, tanalari va boshlarining harakati bilan izohlab berayotgan edi. Chivin uchganda eshitiladigan bu zalda, faqatgina odamlarning joyidan qimirlashi va oyoq qadamlarini eshitish mumkin edi. Bayramning barcha jarayoni va tafsilotlari haqida hikoya qilishga kuchli yurak kerak...

500 dan ziyod nogiron fuqarolar ishtirok etgan tadbirda turli sahna koʻrinishlari va estradamiz yorqin yulduzlarining qoʻshiqlari yangradi.

Olmazor tumani kengashidagi OʻzLiDeP deputatlik guruhi aʼzolari, Oʻzbekiston karlar jamiyatining Toshkent shahar va Toshkent viloyati boʻlimi tashabbusi hamda bir qator tashkilotlar bilan hamkorlikda oʻtkazilgan tadbir soʻngida hamkor tashkilotlar nogironligi bor shaxslarga sovgʻalar topshirildi.

Ko'rildi

1044
Chop etish
Do'stlar bilan ulashish

Bildirilgan fikrlar

Қаҳҳоржонов Шоҳжахон2018-12-04 15:45:05

Ташкил этилган тадбирдан тушуниш мумкинки Олмазор туман кенгаши ва депутатлари халқ билан эканлигини кўрсатмоқда.

Муҳайё Рустам қизи2018-12-04 10:34:03

Яхши мақола бўлибди. Шаблонсиз. Содда ва самимий. Ана шундай мақолалар муаллифнинг воқеага муносабатини кўрсатиб бера олади , деб ўйлайман.

С.Давронов2018-12-04 01:13:09

Тадбиркорлар ва Ишбилармонлар ҳаракати –Ўзбекистон Либерал демократик партияси томонидан жойларда "Халкаро ногиронлар куни" муносабати билан бир катор тадбирлар ташкил этилаетганини гувохи булмокдамиз. Халкимиз хизматида булишдан чарчаманглар деб коламиз.

С.Давронов2018-12-04 01:11:05

Сайера Эсановна 2018-12-04 01:02:00

Юртимизда барча йуналишлар каторида имконияти чекланганларга хам катта эьтибор берилмокда.

Умид Джангиров2018-12-04 00:47:19

Тошкент шаҳрида, балки республикамизнинг барча вилоятларида, туман ва шаҳарларда маҳаллий хокимликлар билан ҳамкорликда мехр-мурувват тадбирлари ўтказилмоқда. Ногиронлар учун маданий тадбирлар ташкил этилиб, байрам дастурхонлари тузаб, уларга ҳомий ташкилотларнинг совғалари етказилмоқда.

Шухрат Ботиров2018-12-04 00:27:26

O`zLiDeP партияси томонидан ташкил этилаетган тадбирлар халкимизни кунглидан жой олмокда.

Д.Дусматов2018-12-03 23:51:26

http://uza.uz/oz/society/bugun-bayrammi-yeki--03-12-2018

Олимова Наргиза2018-12-03 16:46:04

O`zLiDeP партиясининг кундан кунга халқнинг ишончига кириб бораётгани барча жабхада унинг фаоллиги бўлса керак. Бугунги тадбирнинг ҳам жамият учун аҳамияти бемисл. Ногирон ва йўқсиллар Парвардигорнинг суйгани деб ҳисобловчи халқимизнинг кўнглида ногиронларнинг холидан хабар олиш катта бир ғурур ва ифтихор бериши муқаррар. Шу билан бирга Ўзбекистон карлар жамиятига ҳам минг карра раҳмат! Чунки қулоғи эшитмайди деб, ўксиб қолаётган болаларни жамиятда ўз ўрнига эга бўлишида пиллапоя вазифасини ўтаётган, энг асосийси боқимандлик кайфиятидан ёшлигидан маълум ҳунарга йўналтираётган бу ташкилот доимо савобли ишларини давом эттириб, эл дуосини олиб юраверишсин!