Faxr-iftixor tuyg‘usi bilan
13.12.2017, 13:14
Rizq-ro‘zimiz bunyodkori bo‘lgan qishloq xo‘jaligi xodimlari mehnatini ulug‘lash, soha rivojini yangi bosqichga ko‘tarish davlat siyosati darajasidagi asosiy vazifalardan biri ekanligi o‘z-o‘zidan ayon. Ayniqsa, keyingi paytda ko‘p tarmoqli fermer xo‘jaliklarini tashkil etishga alohida e’tibor berilayotgani, mamlakatimizda bugungi kunda 75 mingga yaqin ana shunday xo‘jaliklar faoliyat olib borayotgani, bu boradagi ko‘rsatkich o‘tgan yildagidan 45 foizga oshgani e’tiborga molik. G‘alla, paxta va boshqa qishloq xo‘jaligi va chorvachilik maxsulotlari yetishtirishda yildan yilga yuqori natijalarga erishilayotgani Prezidentimiz ma’ruzasida lohida e’tirof etildiki, bu bilan soha xodimlari har qancha faxrlanishsa, arziydi. Bu o‘rinli e’tirof o‘z navbatida agrar sohaning barcha fidoyilari, shu jumladan, biz-yosh fermerlar zimmasiga ham alohida mas’uliyat yuklaydi va hech mubolag‘asiz Yurtboshimiz ishonchini o‘z kundalik mehnatimiz bilan oqlashga undaydi.
Biz tashkil etgan – ko‘p tarmoqli fermer xo‘jaligimizda ham bugungi kunda paxtachilik, g‘allachilik ,chorvachilik, shu jumladan, parrandachilikni rivojlantirishga alohida e’tibor berilayapti. 50 bosh qo‘y-echki va boshqa chorva mollarini zooveterinariya qoidalari asosida parvarishlab, go‘sht va sut yetishtirishga salmoqli hissa qo‘shish asosiy maqsadimizga aylangan.
Prezidentimizning ma’ruzasi barcha hamkasblarim qatori meni ham yoshlik g‘ayrat-shijoati bilan mehnat qilishga, ezgu maqsadlarimni izchil amalga oshirishga da’vat etadi.
Nozigul JO‘RAYEVA,
Kogon tumanidagi “Oqqosh Bo‘ron zamini”
fermer xo‘jaligi rahbari, O’zLiDeP a’zosi
O‘zLiDePning Facebook’dagi rasmiy sahifasi va Telegram’dagi kanaliga a’zo bo‘lib, so‘nggi yangiliklardan xabardor bo‘ling!
O'xshash yangiliklar
-
Poytaxtlik ishbilarmon xotin-qizlar mahallalar kesimida saralanyapti
25.04.2024, 12:01
-
Dehqonobodlik deputatlar bilan muloqot qilindi
25.04.2024, 11:50
-
Byudjet mablag‘lari hisobidan ortiqcha sarf-xarajatlarga yo‘l qo‘ymaslik lozim
25.04.2024, 11:46
-
Kasbida aholi daromadlarini oshirish borasida qilinayotgan ishlar o‘rganildi
25.04.2024, 09:15
-
Yoshlarning biznesga qiziqishi yana-da ortmoqda
24.04.2024, 17:07
Fikringizni qoldiring