Айни кунлардаги юртимизда ҳукмронлик қилаётган қиш фасли,  қолаверса об-ҳавонинг инжиқлиги,  қишнинг аёзли кунлари бугун ҳаммани бирдай  шошириб қўйгани бор гап. 

Ушбу синовли кунларда O’zLiDeP Андижон вилоят Кенгаши депутатлик гуруҳи аъзолари ҳам жойларда хайрли ишларни олиб бормоқдалар. Жумладан, партия раиси, халқ депутатлари вилоят Кенгаши депутати Хуршидахон Халилова туман мутассадилари, сектор раҳбарлари, партия фаоллари ва МФЙ раислари билан биргаликда  ўзига бириктирилган Қўрғонтепа туманидаги "Учтегирмон", "Эшонобод", "Навниҳол",  "Турон замин", "Норбўта", "Бешкалтак" ва "Намуна" МФЙларда истиқомат қилувчи эҳтиёжманд оилалар холидан хабар олиб, уларга кўмир ва бирламчи озиқ-овқат маҳсулотлари етказиб бердилар.

Халқ вакилининг бу каби хайрли ишлари бошқа ҳудудларда давом этмоқда.