Mahallalardagi ishbilarmon ayollar aholi bandligini ta’minlashga munosib hissa qo‘shishmoqda
05.07.2024, 14:01
![Mahallalardagi ishbilarmon ayollar aholi bandligini ta’minlashga munosib hissa qo‘shishmoqda](/files/original/publication/16034.jpg)
“Ishbilarmon ayol – 2024 “ ko‘rik -tanlovining mahallalarda bo‘lib o‘tayotgan saralash bosqichlari, tadbirkor ayollarimizga xos ko‘plab ijobiy fazilatlarni namoyon qilish bilan birgalikda, ularning joylarda yangi ish o‘rinlari yaratib, aholi bandligiga munosib hissa qo‘shayotganliklarini ham ko‘rsatib bermoqda.
Zafarobod tumanidagi mahallalarda ishbilarmon ayollar faoliyati bilan tanishish jarayonida ham bu hol yaqqol ko‘zga tashlandi.
Jumladan, “Yorqin” ShFY hududidagi “Bog‘ boshi” ko‘p tarmoqli fermer xo‘jaligi rahbari Sagadat Xalimova 20 nafar doimiy, 50 nafardan oshiq mavsumiy ish o‘rinlari yaratgan bo‘lsa, “Bo‘ston” mahalla fuqarolar yig‘inida faoliyat olib borayotgan yakka tartibdagi tadbirkor Shiringul Toshboyeva 8 nafar kishini ish bilan ta’minlabgina qolmay, gulchilik, tikuvchilik, milliy bezak va hunarmandchilik yo‘nalishlarida 60 nafardan oshiq xotin-qizlarni o‘qitib, ularning kasb-hunarli bo‘lishlariga yordam berdi.
Tumanda tanlovning mahallalardagi saralash bosqichida g‘olib deb topilgan - Bo‘stonlik Zahro Sarimsoqova, “ Samarqand” MFYda faoliyat olib borayotgan Shiringul Toshboyeva, “Uzun” QFYdagi Dilorom Do‘stova, Cho‘ligulistonlik Umida Haydarova, Lolazorlik Surayyo Mamayeva, “Chimqo‘rg‘on” mahallasidagi Malika Ablakimova, Nurafshonlik Jannat Karimova, “Pistalikent” ShFYdagi Guljahon Jahongirova va “Birlik” qishloq fuqarolar yig‘ini hududida istiqomat qiluvchi Zuhra Xudayqulovalar ham turli yo‘nalishlarda muvaffaqiyatli faoliyat olib borish bilan birga, yangi ish o‘rinlari yaratib, aholi bandligini ta’minlashga ham munosib hissa qo‘shishmoqda.
Endilikda ular tanlovning tuman bosqichida o‘zaro ballashadilar.
O'zLiDeP Jizzax viloyat hududiy partiya tashkiloti
Matbuot xizmati
O'xshash yangiliklar
-
Mahalla yoshlari Jizzax IT Park filiali bilan tanishtirildi
08.07.2024, 12:20
-
Biz vaqtni emas, vaqt bizni quvsin
08.07.2024, 11:21
-
Buxoro tumanida aholi tomonidan deputatlarga yo‘llangan 95 ta murojaatlarning aksariyati ijobiy yechim topgan
05.07.2024, 15:15
-
Yoshlarning tadbirkorlik sohasidagi bilimlari oshirildi
05.07.2024, 15:09
-
Deputatlik eshituvi: Elektr tarmoqlari korxonasi 15 ta murojaatni qachon hal qiladi?
05.07.2024, 14:01
Fikringizni qoldiring