Safarbayev Shavkat Xasanbayevich 1962 yil 13 iyunda Xorazm viloyatining Shovot tumanida tug‘ilgan.

1986 yil Toshkent Politexnika institutini, 2003 yilda O‘zbekiston Respublikasi Prezidenti huzuridagi Davlat va jamiyat qurilishi akademiyasini tamomlagan. Mutaxassisligi - muhandis, iqtisodchi.

1986 yilda Xonqa don mahsulotlari kombinati nazorat o‘lchov asboblari va avtomatika ustasi, 1989-1991 yillarda Shovot don mahsulotlari kombinati ustasi, Nazorat o‘lchov asboblari va avtomatika muhandisi, 1991-2002 yillarda un tegirmoni boshlig‘i, bosh muhandis lavozimlarida ishlagan.

2002-2003 yillarda O‘zbekiston Respublikasi Prezidenti huzuridagi Davlat va jamiyat qurilishi akademiyasi tinglovchisi bo‘lgan.

2003-2006 yillarda - “Shovot don mahsulotlari” ochiq aksiyadorlik jamiyatiga qarashli “Issiq non” korxonasi direktori, 2006-2008 yillarda  Xorazm viloyat hokimligi mutaxassisi, 2008-2009 yillarda  Xorazm viloyati “Chorva va ozuqa” Bosh birlashmasi raisi, 2009-2016 yillarda Xorazm viloyati “Davlat mulkini ijaraga berish markazi” davlat unitar korxonasi bo‘lim boshlig‘i, davlat unitar korxonasi direktori lavozimlarida ishlagan.

2016 yildan hozirgi vaqtgacha O‘zbekiston Savdo-sanoat palatasi Xorazm viloyat hududiy boshqarmasi boshlig‘i va O`zLiDeP Xorazm viloyat Kengashi raisi lavozimida faoliyat ko‘rsatmoqda.