Депутат кўмагида сайловчилар мурожаати ижобий ечим топди
24.11.2021, 15:14
Бугунги кунда халқнинг дарду ташвиши билан яшаш, аҳолининг муаммоларини ўрганиш, уларга ечим топиш депутатларимиз фаолиятининг ажралмас қисмига айланган. Мазкур ишларда O’zLiDePдан сайланган халқ вакиллари ҳам жойларда ўз сайловчилари билан учрашиб, улардан келиб тушган мурожаатларни ижобий бартараф этишда фаоллик кўрсатяпти.
Халқ депутатлари Хива шаҳар Кенгаши депутати А.Бабажанов ўз сайланган “Калта Минор” маҳалласи аҳолиси билан ўтказган сайёр қабулида маҳалланинг “Дишан Калъа” кўчасида яшовчи фуқаролар тунги ёритиш чироқлари йўқлигидан тунда ҳаракатланганда қийналишаётганлигини айтиб халқ вакилига мурожаат қилган эдилар. Мазкур кўчадаги симёғочлар ҳам ўз муддатини ўтаб бўлган. Шунинг учун ҳам маҳалла аҳли депутатга ушбу электр симёғочлари ўрнига янги темир-бетон устунларини қуриб беришда ҳам амалий ёрдам сўрадилар.
Мазкур муаммо O’zLiDeP депутати томонидан атрофлича ўрганиб чиқилди. Халқ вакили тегишли ташкилот вакиллари билан боғланиб, муаммони бартараф этиш чораларини кўрди. Натижада шаҳар электр тармоқлари корхонаси ходимлари томонидан “Дишан Калъа” кўчасига янги темир бетон устунлар ва тунги ёритиш чироқлари ўрнатиб берилди. Депутат аралашуви билан муаммо ижобий ечим топди.
Садоқат Рўзметова,
O’zLiDeP Хива шаҳар Кенгаши
аппарат раҳбари
Ўхшаш янгиликлар
-
Мономарказ — касбга тайёрлашнинг самарали йўли
16.05.2024, 12:21
-
Қўрғонтепада қишлоқ хўжалигига мўлжалланган ерлардан самарали фойдаланиш ҳолати таҳлил қилинди
26.01.2024, 16:22
-
Депутат кўмагида аҳоли хонадонларига ичимлик суви етиб бормоқда
26.01.2024, 11:59
-
Депутатлик эшитуви танқидий-таҳлилий руҳда ўтди
26.01.2024, 11:57
-
Бошқарма бошлиғининг ҳисоботи эшитилди
25.01.2024, 15:32
Фикрингизни қолдиринг