Халқ депутатлари Амударё туман Кенгашидаги O’zLiDeP депутатлик гуруҳининг навбатдаги йиғилиши бўлиб ўтди. 

Йиғилишда 2026 йилгача хорижий ва маҳаллий инвестицияларни  жалб  қилиш стратегиясини ишлаб чиқиш борасида амалга оширилаётган ишлар  юзасидан туман ҳокимининг инвестициялар ва ташқи савдо масалалари бўйича ўринбосари О.Жумановнинг  ҳисоботи  тингланди.  

Йиғилишда туманда 2022-2023 йилларда инвестиция лойиҳаларини амалга ошириш дастури бўйича 77 та, жами қиймати 456,1 млрд.сўмлик лойиҳалар амалга оширилиши, 1 593 та янги иш ўринлари яратилиши белгиланганлиги қайд қилинди.

2022 йилда 80,9 млрд.сўмлик 59 та лойиҳалар амалга оширилиши, шундан, тадбиркорларнинг ўз маблағи ҳисобидан 47,3 млрд. сўм, банк кредити ҳисобидан 29,3 млрд. сўм, хорижий кредит линиясидан 400 минг долл. маблағлар сарфланиши ва улар томонидан 417 та янги иш ўринлари яратилиши белгиланган.

Жорий йилнинг январь–май ойларида инвестиция дастури доирасида 7,6 млрд. сўмлик 10 та лойиҳалар ишга туширилиб, 75 та иш ўринлари яратилди.

Эшитув жараёнида соҳани янада ривожлантириш учун нималарга эътибор қаратиш зарурлиги бўйича депутатлар ўз фикр-мулоҳазаларини билдириб ўтдилар

Йиғилиш сўнгида муҳокама этилган масалалар депутатлар томонидан таҳлил этилиб, истиқболдаги вазифалар белгилаб олинди

O’zLiDeP Қорақалпоғистон Республикаси

Кенгаши  матбуот хизмати