Депутатлик эшитуви: Дўстлик туманидаги 156 нафар ёшларга тадбиркорлик қилиши учун 3 млрд. 360 млн сўмлик кредит ажратилди
10.06.2022, 14:49
Халқ депутатлари Дўстлик туман Кенгашидаги O`zLiDeP депутатлик гуруҳининг навбатдаги йиғилиши бўлиб ўтди. Унда Ўзбекистон Республикаси Президентининг 2021 йил 20 апрелдаги “Ёшларнинг тадбиркорлик фаолиятини қўллаб-қувватлаш ва бандлигига кўмаклашиш, уларни ижтимоий ҳимоя қилиш ҳамда бўш вақтини мазмунли ташкил этишга оид қўшимча чора-тадбирлари тўғрисида”ги Фармони ижросини таъминлаш бўйича Ёшлар ишлари Агентлиги Дўстлик туман бўлими раҳбари Шохрух Ахматовнинг ҳисоботи тингланди.
Мутасадди ўз ҳисоботида, туманда ҳисобот даврида 156 нафар ёшларга жами 3 млрд. 360 млн сўмдан ортиқ кредит маблағлари ажратилиб, уларнинг тадбиркорлик фаолиятларига кўмаклашилганлигини таъкидлаб ўтди.
Туманда ёшлар бандлигини таъминлаш, қишлоқ ҳўжалигида сифатли озиқ-овқат маҳсулотларини етиштириш мақсадида e-auksion.uz платформаси орқали онлайн аукционларда 603 нафар ёшларга жами 301.2 га ер майдонлари ажратилиб берилди ҳамда уларнинг бандлиги таъминланди.
Шунингдек, мутасадди ўз ахборотида туманда доимий ҳамда жамоат ишларига 174 нафар ёшлар жойлаштирилиб, уларнинг бандлиги таъминланганини, 105 нафар ёшлар эса касб-ҳунарга ўқитиб, сертификатлар олганлиги тўғрисида айтиб ўтди.
Йиғилиш давомида мутасаддига депутатлар томонидан соҳага оид кўплаб саволлар берилди. Таклиф ва мулоҳазалар билдириб ўтилди.
Мутасаддининг ҳисоботини қониқарли деб топган депутатлар, билдирилган таклиф ва мулоҳазалар асосида амалга ошириладиган ишлар юзасидан чора-тадбирларни белгилаб олдилар.
Нафиса ИСМАТОВА,
O`zLiDeP Дўстлик туман Кенгаши
аппарат раҳбари
Ўхшаш янгиликлар
-
Жиззахлик мутасаддининг ҳисоботи танқидий-таҳлилий кўриб чиқилди
17.05.2024, 10:50
-
Мономарказ — касбга тайёрлашнинг самарали йўли
16.05.2024, 12:21
-
Қўрғонтепада қишлоқ хўжалигига мўлжалланган ерлардан самарали фойдаланиш ҳолати таҳлил қилинди
26.01.2024, 16:22
-
Депутат кўмагида аҳоли хонадонларига ичимлик суви етиб бормоқда
26.01.2024, 11:59
-
Депутатлик эшитуви танқидий-таҳлилий руҳда ўтди
26.01.2024, 11:57
Фикрингизни қолдиринг