Маҳалла ёшлари иштирокида амалий семинар ташкил этилди
13.02.2024, 09:39
O’zLiDeP Жиззах вилоят Кенгаши “Аёллар қаноти” гуруҳи фаоллари ташаббуси билан Шароф Рашидов туманидаги “Хавослик” МФЙда “Намунали томорқачи аёл - фаровонлик бунёдкори!” лойиҳаси доирасида ҳудудда истиқомат қилувчи хотин-қизлар учун навбатдаги маҳорат дарси ташкил этилди.
Мазкур маҳалладаги 1244 хонадонда 8053 нафар аҳоли истиқомат қилади. Ҳудудда 22 нафар тадбиркор аёл фаолият олиб боради. Айни пайтда бу ерда томорқачилик, тикувчилик ва бошқа соҳаларга хотин-қизларни жалб қилиш, уларни касб-ҳунарга ўқитиш борасида самарали ишлар амалга оширилмоқда.
Партия фаоллари томонидан ташкиллаштирилган “Маҳорат дарси” ҳам ушбу йўналишда амалга оширилаётган ишларнинг узвий давоми бўлди.
Амалий семинар тарзида ташкил этилган “Маҳорат дарси” давомида тажрибали томорқачи Нафиса Бўриеванинг иш тажрибаси ўрганилди.
Нафиса Бўриева томорқачилик фаолияти билан бундан 3 йил олдин шуғулланишни бошлаган эди. Айни пайтда оила аъзолари 7,5 сотих майдонда қулупнай кўчатлари етиштиришмоқда. Хонадондаги кафтдеккина майдондан йилига 100 миллиондан ортиқ соф даромад қилиш имконияти бор.
Тажрибали томорқачининг иш тажрибасини ўрганиш учун жалб қилинган маҳалла хотин-қизлари ҳам буни ўз кўзлари билан кўриб ишонч ҳосил қилдилар. Ўзларини қизиқтирган кўплаб саволларга жавоблар олдилар. Амалий семинар якунида Нафиса Бўриева томонидан ўз томорқаларида қулпнай етиштириш иштиёқида бўлган хотин-қизларга текин қулупнай кўчатлари тарқатилди.
Саида Умаралиева,
O’zLiDeP Жиззах вилоят Кенгаши
“Аёллар қаноти” гуруҳи раҳбари
Ўхшаш янгиликлар
-
Гулистонлик ишбилармон хотин-қизлар биринчилик учун баҳслашдилар
17.05.2024, 15:04
-
Уйда ўтирган ҳолда даромадли бўлишни истайсизми?
17.05.2024, 12:20
-
Самарқанд шаҳри Қорасув массивидаги 1680 ўринли мактабнинг қурилиш ишлари нега тўхтаб қолган?
17.05.2024, 12:15
-
Пилла харид нархи 25 фоизга оширилди
17.05.2024, 11:21
-
Жиззахлик мутасаддининг ҳисоботи танқидий-таҳлилий кўриб чиқилди
17.05.2024, 10:50
Фикрингизни қолдиринг