Самарқанд Иқтисодиёт ва Сервис институти қошидаги 1-сон академик лицейида тадбиркорликка қизиқувчи йигит-қизлар учун “Yoshlar – kelajagimiz” Давлат дастури – катта имкониятлар эшикларини очади” шиори остида маҳорат дарслари ташкил этилди. 

Тадбирда O‘zLiDeP Самарқанд вилоят Кенгаши раисининг биринчи  ўринбосари-аппарат раҳбари Илҳом Ботиров сўзга чиқиб, хукуматимиз томонидан тадбиркорлик соҳасини ривожлантиришга берилаётган эътибор, ёшлар учун яратилаётган шарт-шароитлар ҳақида гапирди.  

Учрашувда ёш тадбиркор, Ўзбекистон ёшлар иттифоқи Марказий Кенгаши қошидаги Ўзбекистон ёшлар тадбиркорлигини қўллаб-қувватлаш маркази бош координатори Жавоҳир Ҳасанов тадбиркорлик сир-синоатлари  тўғрисида маҳорат дарсини ўтди.

Шунингдек, тадбирда Ёш тадбиркор, Самарқанд шаҳар “STYLE UZ” МЧЖ раҳбари Садриддин Қаршибоев, ҳамда “Baxmal-CORP” оилавий корхонаси раҳбари Абдулла Баҳрамов ўз тажрибалари ҳақида гапириб беришди.

– Бугун вилоятимизнинг барча худудларида O‘zLiDeP вилоят Кенгаши томонидан маҳорат дарслари ўтказилмоқда, – дейди тадбирда Фарид Ҳасанов, – Ушбу дарсларимиз орқали ёшларимизнинг соҳага бўлган қизиқиши уйғониб, ҳеч бўлмаса битта талаба тадбиркорлик соҳасида фаолият бошласа, партия ўз мақсадига эришган бўлади.

Тадбирда “Yoshlar – kelajagimiz” жамғармаси вилоят бўлими раҳбари Салоҳиддин Фазлиев жамғарма маблағларидан фойдалиниш бўйича ўз таклиф-тавсияларини берди.

Бахтигул Қаршиева,

O‘zLiDeP Самарқанд вилоят

Кенгаши матбуот котиби

O‘zLiDePнинг Facebook ҳамда Instagram'даги расмий саҳифаси ва Telegram’даги каналига аъзо бўлиб, сўнгги янгиликлардан хабардор бўлинг!