Китоб тумани Кенгаши депутати Шариф Темиров кўмагида тумандаги “Бешқозоқ” ва “Бирлик МФЙда яшовчи 200 нафар ишсиз ва ҳунарсиз хотин-қиз “Анорзор” МФЙдаги Анорзор, Шатри ва Варганза қишлоқларида зардўзлик, каштачилик ва дўппидўзлик билан машғул бўлган касаначи-ҳунарманд аёлларга шогирдликка берилди.

Депутат ташаббуси билан ишсиз хотин-қизлар ҳунармандлар хонадонига олиб борилиб, иш жараёни, оилавий муҳит ҳамда тайёр ҳунармандчилик маҳсулотлари кўргазмаси билан таништирилди.

-Ҳозирги кунда маҳалламизда 170 нафар хотин-қиз зардўзлик, дўппидўзлик, каштачилик ҳамда тикувчилик билан шуғуллланиб келишмоқда,- дейди “Анорзор” МФЙ раисининг хотин-қизлар бўйича ўринбосари Шоира Ёдгорова. – Минг марта эшитгандан бир марта кўрган афзал деганларидек, ишсиз хотин-қизларнинг ҳунармандлар хонадонига келиши, уларнинг фаолиятини ўрганиши ҳамда шогирдликка қабул қилинишининг аҳамияти жуда катта. Чунки китоблик ҳунармандлар сафининг кенгайиши хотин-қизлар ўртасида ишсизликни бартараф этишда жуда қўл келади. 

Ҳозирда шогирдликка олинган 200 нафар хотин-қиз келгусида касаначи сифатида ишга қабул қилиниб, буюртма асосида фаолият кўрсата бошлайди.

O’zLiDeP Қашқадарё вилоят Кенгаши

матбуот хизмати