Асака туманидаги маданият ва истироҳат боғи амфитеатрида Тадбиркорлар ва ишбилармонлар ҳаракати – Ўзбекистон Либерал-демократик партияси Андижон вилоят Кенгашнинг “Янги Ўзбекистонда эркин ва фаровон яшайлик!” шиори остида тарғибот тадбири бўлиб ўтди.

Унда сўз олган республика “Нуроний” жамғармаси раиси Содиқжон Турдиев ўтаётган ҳар бир кун мамлакатимиз ҳаётида улкан бунёдкорлик ва ислоҳотлар куни бўлаётганини, амалга оширилаётган ўзгаришларда O’zLiDePнинг муносиб ҳиссасини алоҳида таъкидлади.

-Албатта, бугунгидай тадбирлар партиямизнинг “Биргаликда бир кучмиз” деган шиорини халқимиз ҳаётига татбиқ этишга замин яратади, - дейди партия вилоят Кенгаши раиси, халқ депутатлари вилоят кенгаши депутати Хуршидахон Халилова. – Ўтказилаётган ҳар бир тадбир “Янги Ўзбекистонни биргаликда қурамиз!” эзгу ғояси атрофида янада жипслашишимизга ундамоқда.

Партия фаолияти акс этган видеоролик намойиши кенг оммада катта қизиқиш уйғотди.

Сайдилло Эргашев,

O’zLiDeP Асака туман кенгаши аппарат раҳбари