Йирик солиқ тўловчиларга автомобиллари учун стикер берилади
21.04.2020, 21:51
Давлат солиқ қўмитаси карантин даврида корхоналар ишини енгиллаштириш ва узлуксиз фаолият юритиши учун мақбул шароитлар яратиш мақсадида йирик солиқ тўловчиларнинг транспорт воситаларига махсус рухсат берувчи стикерлар беришни бошлайди. Бу ҳақда ДСҚ матбуот хизмати хабар қилди.
Рухсат берувчи стикерлар йирик солиқ тўловчилар тоифасига кирувчи корхоналар ходимларининг шахсий ёки хизмат автотранспорт воситалари учун берилади.
Рухсат берувчи ҳужжатни олиш учун фақат онлайн тарзда солиқ тўловчининг шахсий кабинети орқали электрон солиқ хизматлари порталида (https://my.soliq.uz) махсус анкетани тўлдириб ариза бериш мумкин.
Автотранспортда ҳаракатланиш учун керак бўладиган махсус QR-кодли рухсатномани принтер орқали чоп этиш лозим. У ариза юборилган кундан бошлаб бир иш куни ичида шакллантирилади.
Давлат солиқ қўмитаси томонидан ҳар бир солиқ тўловчига алоҳида стикер квоталари белгиланади. Рухсат берувчи стикер у олинган кундан бошлаб 30 кун мобайнида ҳаракатланиш ҳуқуқини беради.
Автотранспорт воситасидан фойдаланиш учун рухсат берувчи стикер олган ходимлар меҳнат дафтарчасининг нусхаси ва иш жойидан берилган тасдиқловчи ҳужжатга эга бўлиши керак. Ходимларга фақат белгиланган йўналиш бўйича, хизмат мақсадларида соат 9:00 дан 18:00 гача транспорт воситасидан фойдаланишга рухсат берилади.
Рухсат берувчи стикер олиш ҳақида ДСҚга ариза юборилганидан кейин уларга тузатишлар киритиш назарда тутилмаган. Рухсат бериш учун ҳеч қандай тўлов олинмайди.
Фикрингизни қолдиринг
Ўхшаш янгиликлар
-
Ўзбекистон Республикаси Президенти Шавкат Мирзиёевнинг Коррупцияга қарши курашиш соҳасида юксак халқаро мукофотни топшириш маросимидаги нутқи
20.12.2023, 15:38
-
Ўзбекистон Президенти иқлим соҳасидаги глобал кун тартиби доирасида қатор муҳим ташаббусларни илгари сурди
04.12.2023, 10:20
-
Ўзбекистон Президенти Туркий давлатлар ташкилоти саммитида муҳим ташаббусларни илгари сурди
06.11.2023, 10:27
-
Ўзбекистон – Франция: қатъий ишонч ва азалий дўстликка асосланган муносабатлар стратегик шериклик даражасида давом этади
03.11.2023, 15:38
-
“Яшил ипак йўли”ни барпо этиш йўлидаги муҳим ташаббуслар ва самарали мулоқотлар
20.10.2023, 10:02
Билдирилган фикрлар
Jahongir2020-04-22 11:51:20
Ish vaqti bizda soat 7:00 dan boshlanadi. Kechki payt esa har doim ham 18:00 da ishni tugatishning iloji yöq. Iltimos, shu tomonlariga o'zgartirish kiriting.
Фуркат2020-04-22 11:41:17
Энг кизига бу хужжат автомобилларга стикер хакида . Автомобиль агар кимнингдир эсидан чиккан булса ,БЕНЗИН да юради ......А бензинни АЁКШ /АЗС/ лар сотади . А нега АЗС лар ходимлари бу руйхатда йук . АЗС ходимлари ишда карантин бошлангандан бери хар куни ишлашяпти куну -тун 24 соат . Ёки стикер олганлар бензинни солик кумитасидан оладими ? Кани хакикат ?
Хайрулло 2020-04-22 06:17:27
Ассалому алайкум йирик солик туловчининг нечта автотраспортига берилади? Харакатланиш вакт чегарасини олиб ташлаш керак.
Абдурашид 2020-04-21 23:53:59
Бундай вазиятда тизгинни куч ишлатар тизимга бериб қўйилса шу каби инқирозий имкониятлардан бошқасини кутиш қийин. Шу кичкина имкониятчани ҳам беришга шунча вақт кетипти. Уларни на иқтисод ва на ислоҳот қизиқтирмайди чунки, вазифаси ўзгача чунки. Бош вазир иқтисодий копмлексни ёнларига олиб ваколатни ўз қўлларига олмас эканлар биз корона-инқирозидан чиқишимиз осон кечмайди ва бу каби зўравонликлар юртимизга анчагина қимматга тушади.
Баходир2020-04-21 23:19:51
Йирик солик туловчилар битта йуналишда юрмиди. Улар керак булса республика буйича юришга тугри келиб колади. Шуниям инобатга олиш керак. Белгиланган йуналиш и чекловчи вакт етмайди
Расул2020-04-21 22:45:39
Ассалому алайкум. Курилиш ташкилотлари бахор-ёз пайтлари ишни соат 6:00 да бошлашади ва зазурат пайти ишни кун ботиши тугатишати. Шуни хам инобатга олиш керак. Ёки барча тендрларни республика буйича тухтатиш керак.