Sho‘rchida “O‘zLiDeP faoli - islohotlar targ‘ibotchisi” klubi tashkil etildi
05.10.2022, 17:14
O‘zLiDeP Surxondaryo viloyati Kengashi “Ayollar qanoti” partiyaning Sho‘rchi tumani Kengashi bilan hamkorlikda mazkur hududda faoliyat yuritayotgan “Maftuna-Sho‘rchi-Dizayn” MChJ korxonasida tadbir o‘tkazdi. Unda asosiy masala “O‘zLiDeP faoli - islohotlar targ‘ibotchisi” klubini tashkil etishga qaratildi.
Korxonada mehnat qilayotgan xotin-qizlarga yurtimizda ayollar tadbirkorligiga keng yo‘l ochilgani va bu borada qanday huquqiy hujjatlar va bilim zarurligi haqida ma’lumot berildi. Shuningdek, shu kunlarda xotin-qizlarga imtiyozli kredit va lizinglar ajratish orqali kooperatsiya usulida tadbirkorlikni yo‘lga qo‘yish mumkinligi ta’kidlandi. Yangi tashkil etilayotgan klub bu borada ularga yo‘l-yo‘riq ko‘rsatib borishi, uyda o‘tirgan xotin-qizlarni kasb-hunarga o‘rgatishi aytib o‘tildi.
Tadbirda partiya safiga kirish istagini bildirgan 25 nafar xotin-qizga a’zolik guvohnomalari topshirildi.
Xuddi shunday tadbir hududdagi “Bunyodkor” mahallasida joylashgan 14-mumumta’lim maktabida ham bo‘lib o‘tdi. Bu yerda ham faol ayollar bilan “O‘zLiDeP faoli - islohotlar targ‘ibotchisi” klubi tashkil etildi. Klubga M.Xolmatova, B.Ergasheva, Z.Mahmudova, D.Ashurova, D.Normo‘minova, D.Xo‘jamqulova, B.Bekkamova va M.Imomova kabi partiyamiz faollari a’zo bo‘lishdi. Tadbirda Sho‘rchi tumani “Oqila ayollar” klubi rahbari Jamila Usmonova yurtimizda xotin-qizlarimizga yaratib berilayotgan sharoitlardan biz ayollar oqilona foydalanib yurtimiz ravnaqiga o‘z hissamizni qo‘shishimiz kerakligini aytib o‘tdi.
O‘zLiDeP Surxondaryo viloyati Kengashi
matbuot xizmati
O'xshash yangiliklar
-
Poytaxtlik ishbilarmon xotin-qizlar mahallalar kesimida saralanyapti
25.04.2024, 12:01
-
Ishbilarmon ayollar saralanmoqda
21.04.2024, 13:39
-
O‘zLiDeP “Ayollar qanoti” loyihalari orqali ishsiz xotin-qizlar tadbirkor bo‘lyapti
09.04.2024, 19:52
-
Qoratepalik Matluba opa tomorqasidan har yili 30 million so‘m daromad qilmoqda
09.04.2024, 19:49
-
Xotin-qizlarning iqtisodiy, ijtimoiy va siyosiy faolligini oshirishga eʼtibor yana-da kuchaygan
31.03.2024, 10:51
Fikringizni qoldiring