Nukuslik xotin-qizlar uchun bepul tibbiy ko‘rik tashkil qilindi
24.02.2023, 11:58
O’zLiDeP Nukus tuman Kengashi tomonidan “Sog‘lom oila - mustahkam oila” loyihasi doirasida xotin-qizlarning salomatligini mustahkamlash maqsadida tuman tibbiyot birlashmasida bepul tibbiy ko‘rik tashkil qilindi.
Maqsad esa aholining reproduktiv salomatligini mustahkamlash, ayniqsa xotin-qizlar orasida sog‘lom turmush tarzini shakllantirish, ularning salomatligini mustahkamlash borasida tibbiy savodxonligini yanada oshirishdir.
Nukus tuman tibbiyot birlashmasida tuman tibbiyot birlashmasi shifoxonalari, tez tibbiy yordam bo‘limi, 1 ta ko‘p tarmoqli markaziy poliklinika, 2 ta oilaviy poliklinika va 4 ta oilaviy shifokorlik punktlari faoliyat olib bormoqda.
O’tgan yili tuman tibbiyot birlashmasi shifoxonasi yangi imorati foydalanishga topshirildi va bugungi kunda tuman xalqiga xizmat ko‘rsatib kelmoqda. Shifoxonada zamonaviy tibbiy asbob-uskunalar, rentgen, laboratoriya, bioximiya analizator, mikroskop barcha tibbiy apparatlar aholining reproduktiv salomatligini mustahkamlashga xizmat qilmoqda.
Mazkur tibbiyot birlashmasida "Baqanshaqli" OFYda istiqomat qiladigan xotin-qizlarimiz o‘z salomatligiga befarq bo‘lmasligi uchun tibbiy ko‘riklardan o‘tkazildi.
Tadbir davomida mahalladagi 15 nafarga yaqin xotin-qizlarimiz bepul tibbiy ko‘rikdan o‘tkazilib, ularga maslahat va tavsiyalar berildi.
Ma’lumot o‘rnida bugungi kunda "Baqanshaqli" OFY da 7800 dan ziyod aholi istiqomat qiladigan bo‘lsa, shundan 4 mingdan ziyodini xotin-qizlar tashkil etadi.
O'zLiDeP Qoraqalpog‘iston Respublikasi
Kengashi matbuot xizmati
O'xshash yangiliklar
-
Poytaxtlik ishbilarmon xotin-qizlar mahallalar kesimida saralanyapti
25.04.2024, 12:01
-
Ishbilarmon ayollar saralanmoqda
21.04.2024, 13:39
-
O‘zLiDeP “Ayollar qanoti” loyihalari orqali ishsiz xotin-qizlar tadbirkor bo‘lyapti
09.04.2024, 19:52
-
Qoratepalik Matluba opa tomorqasidan har yili 30 million so‘m daromad qilmoqda
09.04.2024, 19:49
-
Xotin-qizlarning iqtisodiy, ijtimoiy va siyosiy faolligini oshirishga eʼtibor yana-da kuchaygan
31.03.2024, 10:51
Fikringizni qoldiring