Solijon Mo‘minov tashabbusi bilan Kosonsoy magistral ko‘prigi ta’mirlandi
31.03.2018, 15:45
Oliy Majlis Senati a’zosi Solijon Mo‘minov Namangan tuman Honobod, Mullakuding, Kichik Toshbuloq, Chog‘ir va Sho‘rqo‘rg‘on MFY hududi axolisi bilan uchrashdi.
Namangan tumani iqtisodiy rivojlanish jihatidan viloyatda yetakchi o‘rinni egallaydi. Hozirgi kunda tumanda 170.000 aholi yashaydi. E’tiborlisi, tuman ahlining ko‘pchiligi o‘z tomorqasidan unumli foydalanib, jamiyat farovonligiga munosib hissa qo‘shib kelmoqda.
Muloqot davomida ichimlik suvi nasos yordamida olib chiqilishi aholiga qiyinchilik tug‘dirib, ayrim hududlarda yerni sug‘orish masalasi bo‘yicha muammolar borligi aniqlandi. Bu masala yuzasidan deputatlik so‘rovi chiqarilib, ijrosi nazoratga olindi.
Uchrashuvlar chog‘ida shuningdek, hududdagi mavjud yo‘llar holati ham o‘rganildi.
– Tumanimiz yo‘llari 156 km bo‘lib, bu yo‘llarni ta’mirlash uchun 25 ming tonna asfalt sarflanadi, – deydi senator Solijon Mo‘minov. –Yil boshidan beri 600 tonnadan ortiq asfalt yo‘llarni ta’mirlash ishlariga sarf qilingan bo‘lsada, tumanda joylashgan Kosonsoy magistral ko‘prigi ta’mirtalab ekanligi aniqlandi.
Ta’kidlash kerak, uchrashuvlar davomida yo‘l masalasi bo‘yicha qator muammolar o‘rganilib, Kosonsoy magistral ko‘prigi Solijon Mo‘minov yordami bilan ta’mirlab berildi.
Rustamjon HAKIMOV,
O‘zLiDeP Namangan viloyat
Kengashi bo‘lim mudiri
O‘zLiDePning Facebook va Instagramdagi rasmiy sahifasi hamda Telegram’dagi kanaliga a’zo bo‘lib, so‘nggi yangiliklardan xabardor bo‘ling!
O'xshash yangiliklar
-
Qo‘rg‘ontepada qishloq xo‘jaligiga mo‘ljallangan yerlardan samarali foydalanish holati tahlil qilindi
26.01.2024, 16:23
-
Deputat ko‘magida aholi xonadonlariga ichimlik suvi yetib bormoqda
26.01.2024, 11:59
-
Deputatlik eshituvi tanqidiy-tahliliy ruhda o‘tdi
26.01.2024, 11:58
-
Boshqarma boshlig‘ining hisoboti eshitildi
25.01.2024, 15:34
-
Zominlik deputatlar tuman elektr tarmoqlari korxonasi rahbarining hisobotini eshitdilar
23.01.2024, 15:15
Fikringizni qoldiring