Avval xabar qilganimizdek, joriy yilning 18 may kuni O‘zLiDeP Sirdaryo viloyat Kengashi tashabbusi bilan “Sen ham faol yoshlar safidasan!” loyihasi doirasida yoshlar Forumi hamda Bo‘sh ish o‘rinlari mehnat yarmarkasi o‘tkazilishi rejalashtirilgan.

Mazkur forumni yanada samarali tashkil qilish maqsadida partiya “Yoshlar qanoti” a’zolaridan iborat targ‘ibot guruhi ikki kun davomida Guliston shahrining har bir mahallalaridagi xonadonlarga tashrif buyurib, yoshlarga targ‘ibot va tushuntirish ishlari olib borildi, ularning ro‘yxati shakllantirildi.

Bugun “Sen ham faol yoshlar safidasan!” loyihasining ishchi guruhi a’zolari Guliston shahridagi yirik tadbirkorlik sub’ektlariga tashrif buyurib, u yerda ishchi-xodimlar uchun yaratilgan sharoitlar bilan yaqindan tanishdilar hamda korxonalarning mas’ul xodimlarini loyiha doirasida tashkil etilayotgan mehnat yarmarkasida mavjud bo‘sh ish o‘rinlari bilan ishtirok etishlari uchun taklif qilishdi. Partiyaning mazkur tashabbusi tadbirkorlik sub’ektlari uchun o‘z vaqtida qilingan amaliy yordam qo‘li bo‘lganligini ta’kidlab o‘tdilar.

Yoshlar forumiga Guliston  shahridagi “BEST FASHION” 96 ta, “MILI GULISTON TEXTILE” 50 ta, “Madinabonu” MChJ 10 ta hamda “FORTUNA TEKSTIL” 6 ta bo‘sh ish o‘rinlari bilan ishtirok etishi ko‘zda tutilgan.

Ishchi guruhi vakillari kun davomida Guliston shahridagi barcha tadbirkorlik sub’ektlariga tashrif buyurishi rejalashtirilgan.

O‘zLiDePning Facebook va Instagramdagi rasmiy sahifasi hamda Telegram’dagi kanaliga a’zo bo‘lib, so‘nggi yangiliklardan xabardor bo‘ling!